ମୁମ୍ବାଇ(ଏଟିଆର ବ୍ୟୁରୋ) : ପଞ୍ଜାବର ଲୋକପ୍ରିୟ ଗାୟକ ଗୁରୁ ରନ୍ଧାୱାଙ୍କ ଏକ ରୋମାଣ୍ଟିକ ଟ୍ରାକ ଆଜି ରିଲିଜ ହୋଇଛି । ଗୁରୁ ଖୁବ୍ କମ୍ ଦିନରେ ସୁପରହିଟ ଗୀତ ଗାଇ ଲୋକ ମାନଙ୍କ ହୃଦୟରେ ନିଜ ପାଇଁ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛନ୍ତି । ‘ନଚ୍ ମେରି ରାନୀ’ , ‘ବେବି ଗର୍ଲ’ ପରି ୨ଟି ସୁପରହିଟ ଗୀତ ରିଲିଜ ପରେ ସେ ‘ମେହେନ୍ଦୀ ୱାଲେ ହାଥ୍’ ନାମକ ରୋମାଣ୍ଟିକ ଟ୍ରାକ ରିଲିଜ କରିଛନ୍ତି ।
ଏହି ଗୀତଟିରେ ଗୁରୁଙ୍କ ବିପରୀତ ରେ ସଞ୍ଜନା ସାଙ୍ଘିଙ୍କୁ ଦେଖିବାକୁ ମିଳିଛି । ସଞ୍ଜନାଙ୍କୁ ଶେଷ ଥର ପାଇଁ ‘ଦିଲ ବିଚାରା’ରେ ଦେଖିବାକୁ ମିଳିଥିଲା । ଏହି ଗୀତଟି ଅରବିନ୍ଦ ଖାଇରାଙ୍କ ଦ୍ୱାରା ନିର୍ଦ୍ଦେଶିତ ଅଟେ । ଗୀତଟିରେ ଗୁରୁଙ୍କୁ ଏକ ଆର୍ମି ଅବତାରରେ ଦେଖିବାକୁ ମିଳିଛି ।
