ମୁମ୍ବାଇ (ଏଟିଆର ବ୍ୟୁରୋ): ହଲିଉଡରୁ ଆସିଲା ପୁଣି ଏକ ଦୁଃଖଦ ଖବର । ମଶୁର ଟିଭି ସିରିଜ୍ ପିକି ବ୍ଲାଇଣ୍ଡର ଏବଂ ହାରି ପୋର୍ଟରରେ ନଜର ଆସିଥିବା ଅଭିନେତ୍ରୀ ହେଲେନ ମ୍ୟାକ୍ରୋରୀଙ୍କ ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୫୨ ବର୍ଷ ବୟସ ହୋଇଥିଲା । ଦୀର୍ଘ ଦିନ ହେବ ସେ କର୍କଟ ରୋଗ ସହ ଲଢେଇ କରି ଆସୁଥିଲେ । କିନ୍ତୁ ଏବେ ସେ ଏହି ଯୁଦ୍ଧରେ ହାରିଯାଇଛନ୍ତି । ତାଙ୍କ ମୃତ୍ୟୁ ଖବର ପ୍ରକାଶ ପାଇବା ପରେ ଏବେ ହଲିଉଡ ଇଣ୍ଡଷ୍ଟ୍ରୀରେ ଶୋକର ଛାୟା ଖେଳିଯାଇଛି ।
ହେଲେନଙ୍କ ମୃତ୍ୟୁ ଖବର ତାଙ୍କ ପତି ଦେଇଛନ୍ତି । ସେ କହିଛନ୍ତି କି, କର୍କଟ ଭଳି ମାରାତ୍ମକ ରୋଗ ସହ ଲଢେଇ କରିବା ପରେ ସୁନ୍ଦରୀ ଏବଂ ଶକ୍ତିଶାଳୀ ମହିଳା ହେଲେନ ମ୍ୟାକ୍ରୋରୀ ଦୁନିଆରୁ ସବୁଦିନ ପାଇଁ ଚାଲି ଯାଇଛନ୍ତି । ବାସଭନରେ ହିଁ ସେ ତାଙ୍କ ଶେଷ ନିଶ୍ୱାସ ତ୍ୟାଗ କରିଛନ୍ତି । ଏହି ଅବସରରେ ତାଙ୍କ ପରିବାର ଏବଂ ବନ୍ଧୁମାନେ ଉପସ୍ଥିତ ଥିଲେ ।
