ମୁମ୍ବାଇ (ଏଟିଆର ବ୍ୟୁରୋ); ଜୀବନ ସହ ସଂଗ୍ରାମ କରୁଛନ୍ତି ବଲିଉଡର ବର୍ଷିୟାନ ଅଭିନେତା କାଦର ଖାଁନ୍ । ତାଙ୍କୁ ମେଡିକାଲର ଭେଣ୍ଟିଲେଟରେ ଭର୍ତ୍ତି କରାଯାଇଛି । ତାଙ୍କ ଅବସ୍ଥା ଧିରେ ଧିରେ ସଙ୍କଟାପର୍ଣ୍ଣ ହେଉଛି ବୋଲି ସୂଚନା ଦେଇଛନ୍ତି ତାଙ୍କ ପୁଅ ସର୍ଫରାଜ ଖାଁନ । ପୁଅ ବୋହୂଙ୍କ ସହ କାନାଡାରେ ରହୁଥିଲେ କାଦର ଖାଁନ୍ ।
ଦୀର୍ଘ ଦିନ ଧରି ପରଦାଠାରୁ ଦୂରେଇ ରହିଛନ୍ତି କାଦର ଖାଁ । ତେବେ ପରଦାରେ ନଜରକୁ ନଆସିଥିବାରୁ ତାଙ୍କର ଦେହାନ୍ତ ହୋଇ ଯାଇଛି ବୋଲି ମଧ୍ୟ ବହୁତ ଥର ଅପପ୍ରଚାର ହୋଇଥିବା ଖବର ଲୋକ ଲୋଚନକୁ ଆସିଛି । ସେପଟେ ଶେଷ ଥର ପାଇଁ ୨୦୧୫ ମସିହାରେ ‘ଦିମାଗ କି ଦହି’ ଚଳଚିତ୍ର ତାଙ୍କର ଶେଷ ଫିଲ୍ମ ଥିଲା ।
କାଦର ନିଜର କ୍ୟାରିୟରରେ ସବୁ ପ୍ରକାର ଚରିତ୍ରରେ ଅଭିନୟ କରି ଦର୍ଶକଙ୍କୁ ବାନ୍ଧି ରଖିଛନ୍ତି । ୯୦ ଦଶକରେ ଗୋବିନ୍ଦାଙ୍କ ସହ କାଦର ଖାଁନଙ୍କ ଯୋଡିକୁ ଖୁବ ପ୍ରଂସଶା କରିଥିଲେ ଦର୍ଶକ । ସେ ସମୟରେ କମେଡି ଚଳଚିତ୍ରମାନଙ୍କରେ ଦର୍ଶକଙ୍କୁ ହସେଇ ହସେଇ ବେଦମ କରୁଥିଲେ ।
