ଭୁବନେଶ୍ୱର(ଏଟିଆର ବ୍ୟୁରୋ): ଭାରତର ସବୁଠାରୁ ବଡ ଓ ଲୋକପ୍ରିୟ କୁକିଙ୍ଗ ରିଆଲିଟି ସୋ ‘ମାଷ୍ଟର ସେଫ୍ ଇଣ୍ଡିଆ’ରେ ଓଡିଆ ପୁଅ ଅବିନାଶ ନାୟକ ବାଜିମାରିଛନ୍ତି ।
ମାଷ୍ଟର ସେଫ୍ ଇଣ୍ଡିଆ ସିଜିନ୍ ୬ର ବିଜେତା ହୋଇଛନ୍ତି ଆସ୍କାର ୨୭ବର୍ଷିୟ ଅବିନାଶ । ଅନେକ ସମୟରେ ସୋରେ ଓଡ଼ିଶାର ପାରମ୍ପାରିକ ଖାଦ୍ୟ ପରିବେଷଣ କରି ସୋର ବିଚାରକ ମାନଙ୍କର ଲୋକପ୍ରିୟ ହୋଇଥିଲେ ଅବିନାଶ ।
ଦୀର୍ଘ ୨୦ଟି ଏପିସୋଡର ଏହି କୁକିଙ୍ଗ ରିଆଲିଟି ସୋରେ ଅବିନାଶ ସବୁ ସମୟରେ ନିଜ ନିଆରା ଖାଦ୍ୟ ବନାଇବା ଶୈଳି ପାଇଁ ସବୁବେଳେ ଚର୍ଚ୍ଚାରେ ଥିଲେ । ଅବିନାଶଙ୍କ ଦ୍ୱାରା ତିଆରି ଚିକେନ ବେଶର ତାଙ୍କୁ ଅଧିକ ଲୋକପ୍ରିୟତା ଆଣି ଦେଇଥିଲା ।
ମାଷ୍ଟର ସେଫ୍ ର ୱିନର ଭାବରେ ଅବିନାଶକୁ ୨୫ଲକ୍ଷ ଟଙ୍କାର କ୍ୟାସ ପ୍ରାଇଜ୍ ଦିଆଯାଇଛି । ମାଷ୍ଟର ସେଫ ଇଣ୍ଡିଆର ଗ୍ରାଣ୍ଡ ଫିନାଲେ ରେ ପୂର୍ବ ବିଜେତା ରିପୁ ଦମନ, ବରୁଣ ଶର୍ମା ପ୍ରମୁଖ ଯୋଗ ଦେଇଥିଲେ ।
