ବେଙ୍ଗାଲୁରୁ (ଏଟିଆର୍ ବ୍ୟୁରୋ) : ଅଭିନେତା ପ୍ରଭାସଙ୍କ ଆଗାମୀ ଫିଲ୍ମ ସଲାର ଶୁକ୍ରବାର ଦିନ ଲଞ୍ଚ ହେଲା । ଏହା ହାଇଦରାବାଦରେ ଏକ ପାରମ୍ପାରିକ ପୂଜା ସହ ଲଞ୍ଚ କରାଯାଇଛି ।ଏହି ଲଞ୍ଚିଙ୍ଗରେ ନିର୍ଦ୍ଦେଶକ ପ୍ରଶାନ୍ତ ନିଲ୍ ଏବଂ ବିଜୟ କିରାଙ୍ଗାଦୂର୍ ମଧ୍ୟ ଉପସ୍ଥିତ ଥିଲେ ।ଏହା ବ୍ୟତୀତ କେଜିଏଫ ଫିଲ୍ମର ଅଭିନେତା ୟଶ୍ ମଧ୍ୟ ଏଥିରେ ଯୋଗ ଦେଇଥିଲେ । ପ୍ରଶାନ୍ତ ନୀଲ୍ ଏହି ଫିଲ୍ମକୁ ଲେଖିବା ସହ ଏହାର ନିର୍ଦ୍ଦେଶନା ମଧ୍ୟ ଦେଇଛନ୍ତି ।
ପ୍ରଭାସ ଏବଂ ୟଶ୍ ଙ୍କୁ ଏକା ସଙ୍ଗେ ଫଟୋରେ ଦେଖି ଫ୍ୟାନ୍ସମାନେ ଅତ୍ୟନ୍ତ ଉତ୍ସାହିତ ହୋଇଯାଇଛନ୍ତି । କିଛିକ୍ଷଣ ମଧ୍ୟରେ ଫଟୋ ଭାଇରାଲ ହେବାରେ ଲାଗିଲା । ଫଟୋଟିରେ ପ୍ରଭାସ ଏକ ଧଳା ରଙ୍ଗର କୁର୍ତ୍ତା ସହ ଜିନ୍ ପିନ୍ଧି ନଜର ଆସିଥିବା ବେଳେ ଯଶ୍ ଏକ କଳା ରଙ୍ଗର ଫୁଲ ସ୍ଲିଭ୍ ଟି- ସର୍ଟ୍ ସହ ଏକ ନୀଳ ରଙ୍ଗର ଡେନିମ୍ ଜିନ୍ ପିନ୍ଧିବାର ନଜର ଆସିଛନ୍ତି । ଫିଲ୍ମ ବିଷୟ ପ୍ରଭାସ କହିଛନ୍ତି,” ମୁଁ ସବୁବେଳେ ପ୍ରଶାନ୍ତ ନିଲଙ୍କ ସହ କାମ କରିବାକୁ ଚାହୁଥିଲି,ମୋ ପାଇଁ ଏହା ଏକ ବହୁତ ବଡ଼ ମୌକା ଥିଲା ।ଏହି ରୋମଞ୍ଚକ ଫିଲ୍ମରେ ମୋ ଚରିତ୍ର ହିଂସାତ୍ମକ ଅଟେ ଯାହାକି ମୁଁ ପୂର୍ବରୁ କେବେ କରିନାହିଁ ।
