ଚେନ୍ନାଇ (ଏଟିଆର ବ୍ୟୁରୋ); ଆସନ୍ତା ୨୦୧୯ ଲୋକସଭା ଆସନରୁ ତାମିଲ ସୁପରଷ୍ଟାର ଲଢ଼ିବେ ବୋଲି ପୂର୍ବରୁ କଳ୍ପନା ଜଳ୍ପନା ହେଉଥିଲା । ତେବେ ଆଜି ସେ ନିର୍ବାଚନ ଲଢ଼ିବେ ନାହିଁ ବୋଲି ସୂଚନା ଦେଇଛନ୍ତି । ରଜନୀକାନ୍ତ ନିଜେ ଲଢ଼ିବେ ନାହିଁକ ି ତାଙ୍କ ଦଳ ମଧ୍ୟ ନିର୍ବାଚନକୁ ଓହ୍ଲାଇବନି । ତାଙ୍କ ଦଳର ପତାକା ଏବଂ ତାଙ୍କ ଫଟୋ ବ୍ୟବହାର ନକରିବା ପାଇଁ ମଧ୍ୟ ସେ ସୂଚନା ଦେଇଛନ୍ତି । ସେ କହିଛନ୍ତି ଯେଉଁ ରାଜନୈତିକ ଦଳ ରାଜ୍ୟରେ ପାଣି ସମସ୍ୟା ଦୂର କରିବ ଦଳ ତାକୁ ସମର୍ଥନ କରିବ । ତେବେ ରାଜନୀକାନ୍ତ ଏଭଳି ଘୋଷଣା କରିବା ପରେ ରାଜନୈତିକ ଚର୍ଚ୍ଚା ଜୋର ଧରିଛି ।
ପୂର୍ବରୁ ଚର୍ଚ୍ଚା ହେଉଥିଲା କି ତାଙ୍କ ଦଳ ଅନ୍ୟ କୌଣସି ଦଳ ସହିତ ମିଶି ନିର୍ବାଚନ ମଇଦାନକୁ ଓହ୍ଲାଇବ । ମାତ୍ର ଆଜି ରଜନୀକାନ୍ତଙ୍କ ମନ୍ତବ୍ୟ ପରେ ସବୁ କଳ୍ପନା ଜଳ୍ପନାରେ ପୂର୍ଣ୍ଣଛେଦ ପଡିଛି । ୨୦୧୭ମସିହାରେ ରାଜନୀତିରେ ଯୋଗ ଦେଇଥିଲେ ରଜନୀକାନ୍ତ । ରାଜନୀତି ମୈଦାନରେ ପାଦ ଦେବା ପରେ ତାଙ୍କୁ ବହୁତ ସମର୍ଥନ ମିଳିଥିଲା । କାରଣ ସେ କେବଳ ଜଣେ ଅଭିନେତା ନୁହେଁତି ମଣିଷ ହିସାବରେ ମଧ୍ୟ ବହୁତ ଭଲ ।
ଦକ୍ଷିଣୀ ଫିଲ୍ମ ଜଗତର ସୁପରଷ୍ଟାର ହେଉଛନ୍ତିି ରଜନୀକାନ୍ତ । ତାଙ୍କ ଷ୍ଟାଇଲିସ ଅଭିନୟ ପାଇଁ ସେ ବେଶ ପରିଚିତ । ତାଙ୍କ ଫିଲ୍ମ ରିଲିଜ ହେବା ବେଳେ ଖିରରେ ଅଭିଶେକ ହୋଇଥାଏ । ଏଣୁ ରଜନୀକାନ୍ତଙ୍କର ବହୁତ ପ୍ରଂଶସକ ଅଛନ୍ତି । ବୁଢ଼ା ହୋଇ ଯାଇଥିଲେ ସୁଦ୍ଧା ବର୍ତ୍ତମାନ ସୁଦ୍ଧା ତାଙ୍କର ପ୍ରତିଟି ଫିଲ୍ମକୁ ଦର୍ଶକମାନେ ଚାହିଁ ବସିଥାନ୍ତି । ରଜନୀକାନ୍ତ ବଲିଉଡରେ ମଧ୍ୟ କିଛି ଫିଲ୍ମରେ ଅଭିନୟ କରିଛନ୍ତି । ସେ ବଲିଉଡ ସୁପରଷ୍ଟାର ଅମିତାଭ ବଚ୍ଚନଙ୍କ ସହିତ ମଧ୍ୟ ଫିଲ୍ମରେ ଅଭିନୟ କରିଛନ୍ତି । ତେବେ ସେ ରାଜନୀତି ମଇଦାନରେ ପାଦ ଦେବା ପରେ ସାଧାରଣ ଲୋକ ତାଙ୍କ ଉପରେ ବହୁତ ଭରଷା ରଖିଥିବା ଦେଖିବାକୁ ମିଳିଛି ।
