ମୁମ୍ବାଇ ( ଏଟିଆର ବ୍ୟୁରୋ): ସବୁବେଳେ କିଛି ନାଁ କିଛି ପ୍ରସଙ୍ଗ ଉପରେ ମନ୍ତବ୍ୟ ଦେଇ ଚର୍ଚ୍ଚାରେ ରହୁଥିବା ରାକ୍ଷୀ ସାଂୱନ୍ତ ପୁଣି ଏବେ ଏକ ନୂଆ ପ୍ରସଙ୍ଗକୁ ନେଇ ଚର୍ଚ୍ଚାକୁ ଆସିଛନ୍ତି । ଏଥର କୌଣସି ମନ୍ତବ୍ୟ ଦେଇ ନୁହେଁ ବରଂ ରାନୁ ମଣ୍ଡଲଙ୍କୁ ନେଇ ଚର୍ଚ୍ଚାକୁ ଆସିଛନ୍ତି ଏହି ଅଭିନେତ୍ରୀ । ଏଇ ନିକଟରେ ଶୋସିଆଲ ମିଡିଆ ସେନେସେସନ ରାନୁ ମଣ୍ଡଲକୁ ହିମେଶ ରେସମିୟା ନିଜ ସିନେମାରେ ଏକ ଗୀତ ଗାଇବାର ସୂଯୋଗ ଦେଇଥିଲେ ।
ଯାହାକୁ ନେଇ ହିମେଶଙ୍କୁ ଚାରିଆଡୁ ପ୍ରଶଂସାର ସୁଅ ଛୁଟିଥିଲା । ତେବେ ହିମେଶଙ୍କ ଏହି ଅଫର ପରେ ରାନୁଙ୍କୁ ଆଉ ଏକ ଅଫର ଦେଇଛନ୍ତି ରାକ୍ଷୀ ସାୱନ୍ତ । ଏଇ ନିକଟରେ ରାକ୍ଷୀ ସାଂୱନ୍ତଙ୍କ ଏକ ଗୀତ ‘ଛପନ ଛୁରୀ’ ରିଲିଜ ହୋଇଛି । ଯାହାର ପ୍ରମୋଶନ ପାଇଁ ରାକ୍ଷୀ ଏବେ ଦିନ ରାତି ଏକ କରି ଦେଇଛନ୍ତି । ତେବେ ଏହି ଗୀତର ରିମିକ୍ସ ଭର୍ସନ ରାନୁ ମଣ୍ଡଲଙ୍କୁ ଗାଇବା ପାଇଁ ସେ ଅଫର କରିଛନ୍ତି ।d
ଏହାକୁ ନେଇ ରାକ୍ଷୀ କହିଛନ୍ତି ମୁଁ ଏହି ଇଣ୍ଡଷ୍ଟ୍ରି ସହ ଯୋଡି ହୋଇ ବହୁତ ଖୁସି ଅଛି । କାରଣ ଏହି ଇଣ୍ଡଷ୍ଟ୍ରି ରାନୁଙ୍କ ଭଳି ପ୍ରତିଭାଙ୍କୁ ଆଗକୁ ଯିବାକୁ ସୁଯୋଗ ଦେଉଛି । ସେ ଆହୁରି ମଧ୍ୟ ହିମେଶ ରେସମିୟା ରାନୁଙ୍କୁ ଫିଲ୍ମରେ ସୁଯୋଗ ଦେଇଥିବାରୁ ତାଙ୍କୁ ଧନ୍ୟବାଦ ଜଣାଇଛନ୍ତି ।
