ମୁମ୍ବାଇ (ଏଟିଆର ବ୍ୟୁରୋ): ପଶ୍ଚିମ ବଙ୍ଗଳା ସରକାରଙ୍କ ଦ୍ୱାରା ଆୟୋଜିତ ହୋଇଥିବା ‘ସଙ୍ଗୀତ ମହାସମ୍ମାନ’ ରେ ପୁରସ୍କୃତ ହେଲେ ବଲିଉଡର ଲୋକପ୍ରିୟ କଣ୍ଠଶିଳ୍ପୀ ଅରଜିତ୍ ସିଂ ଏବଂ ଶାନ୍ । ଗତକାଲି ବଙ୍ଗଳା ସଂସ୍କୃତି ଏବଂ ଲୋକ ସଂସ୍କୃତି ମହୋତ୍ସବର ଉଦଘାଟନୀ ଉତ୍ସବରେ ଏହି ଦୁଇ କଣ୍ଠଶିଳ୍ପୀଙ୍କୁ ପୁରସ୍କୃତ କରାଯାଇଛି ।
ଏମାନଙ୍କ ବ୍ୟତିତ ଜଣାଶୁଣା ବେଙ୍ଗଲି ଗାୟକ ରୂପାଙ୍କର ବାଗଚୀ, ରାଘବ ଚଟୋପାଧ୍ୟାୟ, ମନୋମୟ ଭଟ୍ଟାଚାର୍ଯ୍ୟ, ସୌକତ ମିତ୍ର,ପ୍ରତୀକ ଚୌଧୁରୀ ଏବଂ ସଙ୍ଗୀତ ନିର୍ଦ୍ଦେଶକ ଦିବ୍ୟଜ୍ୟୋତି ମିଶ୍ରାଙ୍କୁ ବି ‘ସଙ୍ଗୀତ ମହାସମ୍ମାନ’ ପୁରସ୍କାର ପ୍ରଦାନ କରାଯାଇଛି ।
ଶାନ୍ ଏବଂ ଅରଜିତ୍ ଙ୍କ ପ୍ରଶଂସା କରି ମୁଖ୍ୟମନ୍ତ୍ରୀ ମମତା ବାନାର୍ଜି କହିଛନ୍ତି କି, ‘ଆମ ମାନଙ୍କ ମଧ୍ୟରେ ଏଭଳି ହସ୍ତି ଅଛନ୍ତି ଯାହାଙ୍କ ଜନ୍ମ ବଙ୍ଗଳା ମାଟିରେ ହୋଇଛି ସତ କିନ୍ତୁ ରାଜ୍ୟ ବାହାରେ ଏମାନେ ଖ୍ୟାତି ଅର୍ଜନ କରିଛନ୍ତି ।’
