ନୂଆଦିଲ୍ଲୀ (ଏଟିଆର ବ୍ୟୁରୋ): ଦି କପିଲ ଶର୍ମା ସୋ’ର ଫେମସ କମେଡିଆନ ସୁଗନ୍ଧା ମିଶ୍ରା ଏବଂ କମେଡିଆନ ସଙ୍କେତ ଭୋଂସଲେ ବିବାହ ବନ୍ଧନରେ ବାନ୍ଧି ହୋଇଛନ୍ତି । କରୋନା ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ସୋମବାର ଜଳନ୍ଧରର କ୍ଲବ କବାନାରେ କେବଳ ଉଭୟ ପରିବାର ସଦସ୍ୟ ଏବଂ କିଛି ବନ୍ଧୁଙ୍କ ମଧ୍ୟରେ ସୁଗନ୍ଧା ଏବଂ ସଙ୍କେତଙ୍କ ବିବାହ ସମ୍ପନ୍ନ ହୋଇଛି । ବିବାହର ପ୍ରଥମ ଫଟୋ ଏବେ ସାମ୍ନକୁ ଆସିଛି । ଯାହାକୁ ସୁଗନ୍ଧାଙ୍କ ବନ୍ଧୁ ପ୍ରୀତି ତାଙ୍କ ଇଂଷ୍ଟାଗ୍ରାମରେ ସେୟାର କରିଛନ୍ତି ।
ପ୍ରୀତି ସେୟାର କରିଥିବା ଏହି ଫଟୋରେ ସୁଗନ୍ଧା ଏବଂ ସଙ୍କେତ ଏକାଠି ସୋଫା ଉପରେ ବସିଥିବାର ନଜର ଆସୁଛନ୍ତି । ଫଟୋରେ ସୁଗନ୍ଧା ଏକ ପିଙ୍କ ଏବଂ ୟେଲୋର ୱେଷ୍ଟର୍ଣ୍ଣ ଲେହେଙ୍ଗା ପିନ୍ଧିଥିବା ବେଳେ ସଙ୍କେତ ମଧ୍ୟ ୟେଲୋ ଏବଂ ହ୍ୱାଇଟ କମ୍ବିନେସର ସେରୱାନି ପିନ୍ଧିଛନ୍ତି । ଉଭୟ କ୍ୟାମେରା ଆଡକୁ ଫଟୋ ପୋଜ ଦେଉଛନ୍ତି । ଏହି ଫଟୋଟିକୁ ପ୍ରୀତି ସେୟାର କରି ଲେଖିଛନ୍ତି ଯଷ୍ଟ ମ୍ୟାରେଡ ।
