ମୁମ୍ବାଇ(ଏଟିଆର ବ୍ୟୁରୋ) : ବଲିଉଡ୍ ଅଭିନେତ୍ରୀ ଉର୍ବଶୀ ରାଉତେଲା ନିଜ ସୋସିଆଲ୍ ପ୍ଲାଟଫର୍ମ କାମ ପାଇଁ ଏବେ କିଛିଦିନ ହବ ବହୁତ ଚର୍ଚ୍ଚାରେ ରହୁଛନ୍ତି । ତାଙ୍କୁ ଆପଣ ଶେଷଥର ପାଇଁ ZEE5 ଅରିଜିନାଲ୍ ‘ଭର୍ଜିନ ଭାନୁପ୍ରିୟା’ ଫିଲ୍ମରେ ଦେଖିଥିବେ । ସେଥିରେ ଉର୍ବଶୀ ଜଣେ ଅତି ସୁନ୍ଦରୀ ଓ ଲାଜେଇ ଝିଅ ଭୂମିକାରେ ଅଭିନୟ କରିଥିଲେ , ଯାହାଙ୍କ ନାମ ହେଉଛି ଭାନୁପ୍ରିୟା । ସେ ଏହି ଫିଲ୍ମରେ ଅତି ସୁନ୍ଦର ଭାବେ ଅଭିନୟ କରିଥିଲେ ଓ ଏହାକୁ ତାଙ୍କ ଫ୍ୟାନ୍ସମାନେ ପସନ୍ଦ ମଧ୍ୟ କରିଥିଲେ । କିନ୍ତୁ ଏବେ ଉର୍ବଶୀଙ୍କୁ ନେଇ ଏମିତି ଏକ କଥା ଶୁଣିବାକୁ ମିଳୁଛି ଯାହା ଶୁଣିଲେ ତାଙ୍କ ଫ୍ୟାନ୍ସ ମାନେ ଖୁସି ହୋଇଯିବେ ।
ଶୁଣିବାକୁ ମିଳୁଛି ଅଭିନେତ୍ରୀ ଉର୍ବଶୀ ରାଉତେଲାଙ୍କୁ ହ୍ରିତିକଙ୍କ ଡ୍ରିମ୍ ପ୍ରୋଜେକ୍ଟରେ କାଷ୍ଟିଂ କରାଯାଇଛି । କିଛିଦିନ ହେବ ସେହି ପ୍ରୋଜେକ୍ଟରେ କିର୍ତ୍ତି ସାନନ୍ ଏବଂ କିଆରା ଆଡ୍ଭାନିଙ୍କ ନାମ ଶୁଣିବାକୁ ମିଳୁଥିଲା ।କିନ୍ତୁ ଏବେ ଉର୍ବଶୀ ରାଉତେଲାଙ୍କୁ କାଷ୍ଟିଂ କରାଯାଇଛି ।
ଶୁଣିବାକୁ ମିଳୁଛି ଯେ, ନିର୍ମାତା ଉର୍ବଶୀ ରଉତେଲାଙ୍କ ଫିଲ୍ମ ‘ଭର୍ଜିନ ଭାନୁପ୍ରିୟା’ ଏବଂ ଗୀତ ‘ସାରା ଜମାନା ହସିନୋ କା ଦିୱାନା’କୁ ଖୁବ୍ ପସନ୍ଦ କରିଛନ୍ତି । ଉର୍ବଶୀ ଏବେ ମୋହନ ଭରଦ୍ୱାଜଙ୍କ ‘ବ୍ଲାକ୍ ରୋଜ’ରେ କାମ କରୁଛନ୍ତି ଯାହା ସେକ୍ସପିୟରଙ୍କ ‘ଦି ମର୍ଚାଣ୍ଟ ଅଫ୍ ଭେନିସ’ ଉପରେ ଆଧାରିତ । ଏଥିରେ ଉର୍ବଶୀ ମୁଖ୍ୟ ଭୂମିକାରେ ନଜର ଆସିବେ ।
