ମୁମ୍ବାଇ (ଏଟିଆର ବ୍ୟୁରୋ); ସଲମାନ ଖାନ ଏବଂ କ୍ୟାଟ୍ରିନା କୈଫଙ୍କ ଅପକମିଙ୍ଗ ଫିଲ୍ମ ‘ଭାରତ’କୁ ନେଇ ଏବେ ଚିନ୍ତାରେ ଅଛନ୍ତି ଭାଇଜାନ । ପୂର୍ବରୁ ରିଲିଜ ହୋଇଥିବା ଭାରତ ଫିଲ୍ମର ଗୀତକୁ ସୋସିଆଲ ମିଡିଆରେ ଭଲ ରେସପନ୍ସ ନମିଳିବାରୁ ଫିଲ୍ମକୁ ନେଇ ଚିନ୍ତାରେ ପଡିଛନ୍ତି ସଲ୍ଲୁ । ପୂର୍ବରୁ ଶୁଣିବାକୁ ମିଳିଥିଲା ଫିଲ୍ମଟିର ପ୍ରମୋଶନକୁ ସେ ଲିମିଟେଡ ରଖିବେ । ମାତ୍ର ଗୀତ ଗୁଡିକ ସେତିକି ଦର୍ଶକୀୟ ଆଦୃତି ନପାଇବାରୁ ସେ ଫିଲ୍ମଟିର ପ୍ରମୋସନ ଜୋରଦାର କରିବେ ବୋଲି ସୂଚନା ମିଳିଛି ।
ଆସନ୍ତା ଜୁନ ୫ରେ ଇଦ୍ ଉପଲକ୍ଷେ ମୁକ୍ତିଲାଭ କରିବାକୁ ଥିବା ଏହି ସିନେମାଟିର ତିନୋଟି ଗୀତ ରିଲିଜ ହୋଇଛି । ଯାହାକୁ ପୂର୍ବଭଳି ସେତେ ସଫଳତା ମିଳିଲାନି । ପୂର୍ବରୁ ରିଲିଜ ହୋଇଥିବା ରେସ-୩ ମଧ୍ୟ ବକ୍ସ ଅଫିସରେ ସେତେଟା ସଫଳତା ସାଉଣ୍ଟିନଥିଲା । ବତ୍ତମାନ ସେ ଭାରତକୁ ନେଇ ବହୁତ ଆଶାବାଦୀ ଅଛନ୍ତି । ସେଥିପାଇଁ ସେ ପ୍ରମୋଶନ ଜୋରଦାର କରିବାକୁ ଅଣ୍ଟା ଭିଡିଛନ୍ତି । ରିଲିଜ ହୋଇଥିବା ସିନେମା ଟ୍ରେଲରରେ ସଲମାନ ବିଭିନ୍ନ ବୟସର ଚରିତ୍ରରେ ଦେଖା ଦେଇଛନ୍ତି । ସେହିଭଳି ତାଙ୍କ ନାୟିକା ସାଜିଥିବା କ୍ୟାଟ ମଧ୍ୟ ଶାଢ଼ୀରେ ଏକ ଭିନ୍ନ ଅନ୍ଦାଜରେ ନଜର ଆସିଥିଲେ ।
