ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ବର୍ଷିୟାନ ଅଭିନେତା ସ୍ୱର୍ଗତ ବିନୋଦ ଖାନ୍ନାଙ୍କ ପ୍ରଥମ ପତ୍ନୀ ଗୀତାଞ୍ଜଳୀ ଙ୍କ ଦେହାନ୍ତ ହୋଇଯାଇଛି । ଅଚାନକ୍ ହାର୍ଟଆଟାକ ହେବା ଯୋଗୁଁ ତାଙ୍କୁ ତୁରନ୍ତ ହସ୍ପିଟାଲକୁ ନିଆଯାଇଥିଲା । ମହାରାଷ୍ଟ୍ରର ରାୟଗଢ ଜିଲ୍ଲା ମାଣ୍ଡୱାରେ ସେ ତାଙ୍କର ଶେଷ ନିଶ୍ୱାସ ତ୍ୟାଗ କରିଛନ୍ତି । ଏକ ଟ୍ୱିଟର ଜରିଆରେ ଗୀତାଞ୍ଜଳୀଙ୍କ ମୃତ ଖବର ପ୍ରକାଶ ହେବା ପରେ ବଲିଉଡରେ ଶୋକର ଛାୟା ଖେଳି ଯାଇଛି ।
ଗୀତାଞ୍ଜଳୀଙ୍କ ପୂରା ନାମ ହେଉଛି ଗୀତାଞ୍ଜଳୀ ତଲେୟର ଖାନ୍ନା । ୧୯୭୧ରେ ସେ ବିନୋଦ ଖାନ୍ନାଙ୍କୁ ବିବାହ କରିଥିଲେ । ଏହାପରେ ୧୯୮୫ରେ ଦୁହେଁ ଅଲଗା ହୋଇଯାଇଥିଲେ । ଛାଡପତ୍ର ପରେ ୧୯୯୦ ମସିହାରେ ବିନୋଦ ଖାନ୍ନା ପୁଣି କବିତା ଦଫତରୀଙ୍କୁ ବିବାହ କରିବା ପରେ ଗୀତାଞ୍ଜଳୀ ତାଙ୍କ ଦୁଇ ପୁଅଙ୍କ ସହ ବ୍ୟସ୍ତ ରହିଯାଇଥିଲେ । ତାଙ୍କ ଦୁଇ ପୁଅଙ୍କ ନାଁ ହେଉଛି ଅକ୍ଷୟ ଖାନ୍ନା ଏବଂ ରାହୁଲ ଖାନ୍ନା ।
