ନୂଆଦିଲ୍ଲୀ (ଏଟିଆର ବ୍ୟୁରୋ):ଦେଶରେ ଏବେ ପୁଣି କାୟା ବିସ୍ତାର କରୁଛି କରୋନା । ଦିନକୁ ଦିନ ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ଗତ ୨୪ ଘଣ୍ଟାରେ ନୂତନ ୬୦୨ ଜଣ କରୋନା ରୋଗୀ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୪୪୪୦ ରେ ପହଁଚିଛି । ସେହିପରି ଦିନକରେ ୫ ଜଣଙ୍କର ମୃତ୍ୟୁ ହୋଇଛି ।
ବର୍ତ୍ତମାନ ସୁଦ୍ଧା ଦେଶରେ କରୋନାର ନୂତନ ସବ୍-ଭାରିଆଣ୍ଟ ଜେଏନ.୧ ମାମଲା ଗୁଜୁରାଟ, କର୍ଣ୍ଣାଟକ, ଗୋଆ,ମହାରାଷ୍ଟ୍ର, କେରଳ, ରାଜସ୍ଥାନ, ତାମିଲନାଡୁ, ତେଲେଙ୍ଗାନା ଏବଂ ଦିଲ୍ଲୀରେ ଚିହ୍ନଟ ହୋଇଛି ।
ଅନ୍ୟପଟେ ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସତର୍କ ରହିବା ପାଇଁ ପରାମର୍ଶ ଦିଆଯାଇଛି । ଯଦି କାହାରି କୋଭିଡ ଲକ୍ଷଣ ଦେଖାଦେଉଛି ତୁରନ୍ତ ଟେଷ୍ଟ କରିବାକୁ କୁହାଯାଇଛି ।
