ଭୁବନେଶ୍ୱର (ଏଟିଆର ବ୍ୟୁରୋ): କରୋନାକୁ ମାତ୍ ଦେବା ପାଇଁ ଟୀକା ଏକମାତ୍ର ଅସ୍ତ୍ର ହୋଇଥିବା ବେଳେ ଏବେ ପୁଣି ରାଜ୍ୟରେ ଦେଖାଦେଇଛି ଟୀକା ଅଭାବ । ରାଜ୍ୟରେ ଟୀକା ଅଭାବ ହେବା ହେତୁ ଆଜି ରାଜ୍ୟରେ ୧୦ ଜିଲ୍ଲାରେ ଟୀକାକରଣ ବନ୍ଦ । ଟୀକାକରଣ ବନ୍ଦ ଥିବା ସେହି ୧୦ ଟି ଜିଲ୍ଲା ହେଉଛି ବାଲେଶ୍ୱର, ଢେଙ୍କାନାଳ , ଯାଜପୁର, କଳାହାଣ୍ଡି, କୋରାପୁଟ, ମାଲକାନାଗିରି, ନୂଆପଡା, ନୟାଗଡ , କେନ୍ଦ୍ରାପଡା ଏବଂ ସୋନପୁର ।
ରାଜ୍ୟରେ ଏବେ ୫୯ ହଜାର ୯୨୦ ଡୋଜ କୋଭିସିଲ୍ଡ ଟିକା ମହଜୁଦ ଥିବା ବେଳେ, ୩ ଲକ୍ଷ ୯୩ ହଜାର୧୦ ଡୋଜ କୋଭାକ୍ସିନ ଟିକା ମହଜୁଦ ରହିଛି । ରାଜ୍ୟରେ ବର୍ତ୍ତମାନ ସୁଦ୍ଧା ୧ କୋଟି ୩୨ ଲକ୍ଷ ୭୨ ହଜାର ୬୩୮ ଜଣ ଟିକା ନେଇ ସାରିଲେଣି ।
