ନୂଆଦିଲ୍ଲୀ (ଏଟିଆର ବ୍ୟୁରୋ ) ; ଭାରତକୁ ଡାରାଇବାକୁ ଚେଷ୍ଠା କରୁଛି ଚୀନ । ସୀମା ପାରରେ ତିଆରି କରିଛି ବଙ୍କର । ଭାରତର ରାଜଧାନୀ ଦିଲ୍ଲୀଠାରୁ ମାତ୍ର ୧୩୫୦ କିଲୋମିଟର ଦୂରରେ ଚୀନ ନିର୍ମାଣ କରିଛି ଏହ ବୋମା ନିରୋଧୀ ବଙ୍କର । ସୂଚନା ଅନୁସାରେ , ତିବ୍ବତ ଅଞ୍ଚଳରେ ଚୀନ ଲାସା ସ୍ଥିତ ଗୋଙ୍ଗର ବିମାନ ବନ୍ଦର ରେ ନିଜ ସୈନିକଙ୍କ ପାଇଁ ଏହି ବଙ୍କର ତିଆରି କରାଯାଇଛି । ଯାହାକୁ ନେଇ ଭାରତ ପକ୍ଷରୁ ଉଦବେଗ ପ୍ରକାଶ କରାଯାଇଛି ।
ପ୍ରଥମେ ଏହି ବିମାନ ବନ୍ଦରକୁ ଚୀନ ନିଜ ଆଞ୍ଚଳିକ ସମ୍ପର୍କ ବଢାଇବା ପାଇଁ ତିଆରି କରିଥିବା ବେଳେ ପରେ ଏହାକୁ ନେଇ ସେନା ପତିଆରା ବଢାଇବା ଉଦେଶ୍ୟରେ ରହିଛି ଚୀନ । ଯାହା ଭାରତ ପାଇଁ ଚିନ୍ତାର କାରଣ ପାଲଟିଛି । ଖାଲି ସେତିକି ନୁହେଁ ଚୀନ ସେଠାରେ ପାଖାପାଖି ୩୬ ଟି ଯୁଦ୍ଧ ବିମାନ ମୃତୟନ କଥା ବି ଚିନ୍ତା କରୁଛି । ଯାହା ଭବିଶ୍ୟତରେ ଦୁଇ ଦେଶ ମଧ୍ୟରେ ଆସୁଥିବା ବିପଦ ମାନକୁ ସୁଚାଉଛି । ପୂର୍ବରୁ ଡୋକଲାମ ବିବାଦରେ ମଧ୍ୟ ଚୀନ ପଛକୁ ଘୁଞ୍ଚିଛି । ଭାରତ ସହ ଚୀନ ମଧ୍ୟ ସୀମାରେ ଶାନ୍ତି ଚାହୁଁଥିବାବେଳେ ମଝିରେ ମଝିରେ ଚୀନର ଏପରି ନୀତିକୁ ନେଇ ଭାରତ ଉଦବେଗ ପ୍ରକାଶ କରୁଛି । ଉଭୟ ଦେଶର ମୂଖ୍ୟଙ୍କ ମଧ୍ୟରେ ସୀମ।।ରେ ଶାନ୍ତି ପାଇଁ ଚୁକ୍ତି ମଧ୍ୟ କରାଯାଉଛି ହେଲେ ଚୀନର ଏପରି ନୀତି ଭାରତକୁ ଦ୍ୱନ୍ଦରେ ପକାଉଛି ।
