ଭୁବନେଶ୍ୱର (ଏଟିଆର ବ୍ୟୁରୋ ) ; ଚୀନରେ ଭୟଙ୍କର ବିସ୍ଫୋରଣ । ରସାୟନିକ କାରଖାନାରେ ଲାଗିଲା ନିଆଁ । ଚାଲିଗଲା ୨୨ ଟି ଜୀବନ । ଏଭଳି ଅଭାବନୀୟ ଘଟଣା ଉତ୍ତର ଚୀନର ହେବେଇ ପ୍ରଦେଶ ସ୍ଥିତ ଝାଙ୍ଗଜିଆକୌ ସହରରେ ଘଟିଛି । ଆଜି ପ୍ରତ୍ୟୁଷରେ ସହରରେ ଥିବା ଏକ ରସାୟନିକ କାରଖାନାରେ ବିସ୍ଫୋରଣ ଘଟିଛି ।
ଚୀନ ସମୟ ରାତି ୧୨.୪୦ ସମୟରେ ହେବେଇ ସେଙ୍ଗୁଆ କେମିକାଲ ଇଣ୍ଡଷ୍ଟ୍ରି କୋ.ଲିମିଟେଡ ପାଖରେ ଏପରି ବିସ୍ଫୋରଣ ହୋଇଛି । ଘଟଣାରେ ଏଯାଏଁ ୨୨ ଜଣଙ୍କ ମୃତ୍ୟୁ ହୋଇଥିବା ବେଳେ ୨୩ ଜଣ ଆହତ ହୋଇଥିବା ସ୍ଥାନୀୟ କର୍ତ୍ତୃପକ୍ଷ ସୂଚନା ଦେଇଛନ୍ତି । ଏହି ବିସ୍ଫୋରଣରେ ୩୮ ଟି ଟ୍ରକ ଓ ୧୨ ଟି ଅନ୍ୟ ଗାଡି ଜଳିଯାଇଥିବା ଜଣାପଡିଛି । ତେବେ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ଉଦ୍ଧାର ଓ ନିଆଁ ଲିଭାଇବା କାର୍ଯ୍ୟ ଜାରି ରଖିଛନ୍ତି ।
ସେପଟେ ଆହତ ମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତି କରାଯାଇଛି । ଘଟଣାର ତଦନ୍ତ ଜାରି ରହିଛି । ଅନ୍ୟପଟେ ବିସ୍ଫୋରଣର କାରଣ ଜଣାପଡିନଥିବା ବେଳେ କୌଣସି ବ୍ୟକ୍ତି ଏହି ବିସ୍ଫୋରଣରେ ସାମିଲ ଅଛି କି ନାହିଁ ସେ ବିଷୟରେ ପୋଲିସ ତଦନ୍ତ ଚଳାଇଛି ।
