ନୂଆଦିଲ୍ଲୀ (ଏଟିଆର ବ୍ୟୁରୋ): ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନସନ୍ ତାଙ୍କ ପିଆନ୍ସେ କ୍ୟାରି ସାଇମଣ୍ଡସଙ୍କ ସହିତ ଗୁପ୍ତ ବିବାହ କରିଛନ୍ତି । ବୋରିସଙ୍କଠାରୁ ୨୩ ବର୍ଷ ସାନ କ୍ୟାରି । ୩୦ ଜୁଲାଇ ୨୦୨୨ ରେ ଉଭୟ ବିବାହ ବନ୍ଧନରେ ବାନ୍ଧି ହେବେ ବୋଲି ଶୁଣିବାକୁ ମିଳୁଥିଲା । କିନ୍ତୁ ମିଡିଆ ରିପୋର୍ଟ ଅନୁସାରେ ଉଭୟ ଗୁପ୍ତରେ ବିବାହ ବନ୍ଧନରେ ବାନ୍ଧି ହୋଇଛନ୍ତି ।
୨୦୧୯ ମସିହାରେ ଉଭୟଙ୍କ ନିର୍ବନ୍ଧ ହୋଇଥିଲା । ୨୦୨୦ ମସିହାେରେ ବିବାହ ହେବାକୁ ଥିଲା କିନ୍ତୁ କରୋନା ପାଇଁ ବିବାହ ହୋଇ ପାରିନଥିଲା ଘୁଞ୍ଚି ଯାଇଥିଲା । ୨୦୨୨ ଜୁଲାଇ ମାସରେ ଉଭୟ ବିବାହ ବନ୍ଧନରେ ବାନ୍ଧି ହେବେ ବୋଲି ରିପୋର୍ଟ ଆସିଥିଲା । ହେଲେ ଏବେ ଅଚାନକ ଦୁହେଁ ବିବାହ କରିଥିବା ଶୁଣିବାକୁ ମିଳୁଛି ।
ଏହାପୂର୍ବରୁ ବୋରିସ ଦୁଇଥର ବିବାହ କରିଥିଲେ ଏବଂ ଦୁଇ ପତ୍ନୀଙ୍କୁ ଛାଡପତ୍ର ମଧ୍ୟ ଦେଇଛନ୍ତି । ଏବେ କ୍ୟାରି ତାଙ୍କର ତୃତୀୟ ପତ୍ନୀ ।
