ନ୍ୟୟର୍କ (ଏଟିଆର ବ୍ୟୁରୋ ) ; ଆମେରିକାରେ ମର୍ମନ୍ତୁଦ ସଡକ ଦୁର୍ଘଟଣା । ୨୦ ଜଣଙ୍କ ଉପରେ ମାଡିଗଲା କାର । ଫଳରେ ଚାଲିଗଲା ୨୦ ଜଣଙ୍କ ଜୀବନ । ଦୁଇଟି କାର ପରସ୍ପର ମଧ୍ୟରେ ବିପରୀତ ଦିଗରୁ ଦୁର୍ଘଟଣା ହେବା ଫଳରେ ଗୋଟିଏ କାର ରାସ୍ତା କଡରେ ଠିଆ ହୋଇଥିବା ୨୦ ଜଣ ଲୋକଙ୍କ ଉପରକୁ ମାଡିଯାଇଥିଲା । ଫଳରେ ସେ ସମସ୍ତ ଲୋକଙ୍କର ମୃତ୍ୟୁ ଘଟିଛି । ଯାହା ସ୍ଥନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି ।
ସୁଚନା ଅନୁସାରେ ,ଆମେରିକାର ନ୍ୟୁୟର୍କ ସହରରେ ଘଟିଛି ଏହି ଦୁଃଖଦ ଘଟଣା । ପ୍ରଥମେ ଦୁଇଟି କାର ମଧ୍ୟରେ ଧକ୍କା ହେବା ପରେ ଗୋଟିଏ କାର ନିୟନ୍ତ୍ରଣ ହରାଇ ରାସ୍ତା ପାଶ୍ୱର୍ରେ ଥିବା ଏକ ଷ୍ଟୋର ଆଡକୁ ମାଡିଯାଇଥିଲା । ତେବେ ଷ୍ଟୋର ଅଗରେ ଛିଡା ହୋଇଥିବା ଲୋକମାନେ କିଛି ଜାଣିବା ଅଗରୁ ସେମାନଙ୍କ ଉପରକୁ କାରଟି ମାଡିଯାଇଥିଲା । ଯାହା ଫଳରେ ଏପରି ବୃହତ ଦୁର୍ଘଟଣା ଘଟିଛି । ସେପଟେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । କାର ଦୁଇଟି ସମ୍ପୁର୍ଣ୍ଣ ନଷ୍ଟ ହୋଇଯାଇଛି ।
