ନୂଆଦିଲ୍ଲୀ (ଏଟିଆର ବ୍ୟୁରୋ): କରୋନା ପାଇଁ ସାରା ବିଶ୍ୱ କଲବଲ ହେଉଥିବା ବେଳେ ଏବେ ଆମେରିକାରେ କରୋନା ମୃତକଙ୍କ ସଂଖ୍ୟା ୯୫ ହଜାର ୨୭୬କୁ ବୃଦ୍ଧି ହୋଇଛି । ଜନ୍ସ ହାପିକିନ୍ସ ବିଶ୍ୱବିଦ୍ୟାଳୟରେ ସେଣ୍ଟର ଫର ସିଷ୍ଟମ ସାଇନ୍ସ ଆଣ୍ଡ ଇଂଜିନିୟରିଂ (ସିଏସଏସଇ) ଅନୁସାରେ ଦେଶରେ ମୋଟ କରୋନା ସଂକ୍ରମିତଙ୍କ ସଂଖ୍ୟା୧୫୮୮୩୨୨ ରେ ପହଁଚିଛି ।
ସିଏସଏସଇ ର ସଂଖ୍ୟା ଅନୁସାରେ ସବୁଠାରୁ ଅଧିକ ଖରାପ ସ୍ଥିତି ନ୍ୟୁୟର୍କରେ । କାରଣ ଏଠାରେ କରୋନା ସଂକ୍ରମିତ ମାମଲା ୩୫୮୧୫୪ ରହିଥିବା ବେଳେ ୨୮୭୪୩ ଜଣଙ୍କ ମୃତ୍ୟୁ ହୋଇସାରିଛି । ଏହାପରେ ନ୍ୟୁଜର୍ସିରେ ୧୦୯୫୮ ମୃତ, ମ୍ୟାସାଚୁସେଟସ ରେ ୬୧୪୮ ମୃତ ଏବଂ ମିଶିଗନ ରେ ୫୧୨୯ ମୃତ ।
ସେହିଅନୁସାରେ ଆମେରିକାକୁ ସମ୍ପୂର୍ଣ୍ଣ ଦୋହଲେଇ ଦେଇଛି ମହାମାରୀ କରୋନା । କରୋନା କବଳରୁ ବାହାରି ପାରୁନି ଆମେରିକା ।
