ନୂଆଦିଲ୍ଲୀ (ଏଟିଆର ବ୍ୟୁରୋ): ଗୋଲ୍ଡେନ ଗ୍ଲୋବ ଆୱାର୍ଡ ର ଘୋଷଣା କରାଯାଇଛି । ଅଭିନେତା ଟମ୍ ହ୍ୟାଂକ୍ସଙ୍କୁ ସେସିଲ ବି ଡିମାଇଲ ସମ୍ମାନରେ ସମ୍ମାନିତ କରାଯାଇଛି । ତାଙ୍କୁ ଏହି ସମ୍ମାନ ମନରଞ୍ଜନ ଜଗତରେ ତାଙ୍କର ଯୋଗଦାନ ପାଇଁ ଦିଆଯାଇଛି । ସେହିପରି ବ୍ର୍ୟାଡ ପିଟ ଙ୍କୁ ବେଷ୍ଟ ସପୋଟିଙ୍ଗ ଆକ୍ଟର ର ପୁରସ୍କାରରେ ପୁରସ୍କୃତ କରାଯାଇଛି । ତାଙ୍କୁ ଏହି ପୁରସ୍କାର ୱାନ୍ସ ଓପନ ଏ ଟାଇମ୍ ଇନ୍ ହଲିଉଡ ପାଇଁ ଦିଆଯାଇଛି ।
ଟେଲିଭିଜନ୍ ସିରିଜ୍ ରେ କୌଣସି ଅଭିନେତା ଦ୍ୱାରା ସର୍ବଶ୍ରେଷ୍ଠ ପ୍ରଦର୍ଶନପାଇଁ ସର୍ବ ପ୍ରଥମେ ପୁରସ୍କାର ରାମି ୟୁସୁଫ କୁ ଦିଆଯାଇଛି । ତାଙ୍କୁ ଏହି ପୁରସ୍କାର ତାଙ୍କ ସୋ’ ‘ରାମି’ ପାଇଁ ଦିଆଯାଇଛି । ସାଉଥ କୋରିୟାର ପାରାସାଇଟ୍ କୁ ବିଦେଶ ଭାଷାରେ ସର୍ବଶ୍ରେଷ୍ଠ ପୁରସ୍କାରରେ ପୁରସ୍କୃତ କରାଯାଇଛି ।
ସେହିପରି ଏକ ସୀମିତ ସିରିଜ୍ ବା ଟେଲିଭିଜନ ପାଇଁ ମୋଶନ ପିକର୍ଚ୍ସରେ ସର୍ବଶ୍ରେଷ୍ଠ ଅଭିନେତାର ସମ୍ମାନ ରସେଲ କ୍ରୋଙ୍କୁ ‘ଦି ଲାଉଡେଷ୍ଟ ଭଏସ’ ପାଇଁ ଦିଆଯାଇଛି । ଅନ୍ୟପଟେ ସପୋଟିଙ୍ଗ ରୋଲ ରେ ସର୍ବର୍ଶ୍ରେଷ୍ଠ ଅଭିନେତା ଭାବେ ଷ୍ଟେଲନ ସ୍କର୍ସଗାର୍ଡଙ୍କୁ ଦିଆଯାଇଛି ।
