ଭୁବନେଶ୍ୱର ( ଏଟିଆର ବ୍ୟୁରୋ ) ; କେରଳକୁ ୭୦୦ କୋଟି ଦେବ ୟୁଏଇ । କେରଳରେ ବନ୍ୟା ପୀଡିତ ମାନଙ୍କ ପାଇଁ ୟୁଏଇ ସରକାରଙ୍କ ପକ୍ଷରୁ ୭୦୦ କୋଟି ଟଙ୍କାର ସହାୟତା ପ୍ରଦାନ କରାଯିବାର ଘୋଷଣା କରାଯାଇଛି । ଲଗାଣ ବର୍ଷା ଓ ବନ୍ୟାରେ କେରଳର ସ୍ଥିତି ଗମ୍ଭିର । ବନ୍ୟା ପ୍ରଭାବରୁ ରାଜ୍ୟ ବହୁ କ୍ଷତି ଘଟିଛି । ରାଜ୍ୟ ସରକାରଙ୍କ ଆକଳନ ଅନୁଜାୟୀ , କେରଳ ପାଖାପାଖି ୨୫ ହଜାର କୋଟି ଟଙ୍କାର କ୍ଷତି ସହିଛି । ତେବେ କେରଳର ଏପରି ପରିସ୍ଥିତି ଦେଖି ଦେଶର ବିଭିନ୍ନ କୋଣ ଅନୁକୋଣରୁ ବହୁ ଅନୁଦାନ ଆସିବାରେ ଲାଗିଛି । ବିଭିନ୍ନ ରାଜ୍ୟ ସରକାର , ସାମାଜିକ ଅନୁଷ୍ଟାନ , ବେସରକାରୀ ସଂସ୍ଥା ତଥା ବ୍ୟକ୍ତିଗତ ସ୍ଥରରେ ମଧ୍ୟ କେରଳ କୁ ସାହାର୍ଯ୍ୟ ପ୍ରଦାନ କରାଯାଉଛି । ଖାଲି ସେତିକି ନୁହେଁ ଦେଶ ବାହାରୁ ମଧ୍ୟ ଅନୁଦାନ ର ସୁଅ ଛୁଟିବାରେ ଲାଗିଛି । ନିକଟରେ ୟୁଏଇ ପକ୍ଷରୁ କେରଳର ବନ୍ୟା ପ୍ରପୀଡିତ ମାନଙ୍କ ପାଇଁ ୭୦୦ କୋଟି ଟଙ୍କା ପ୍ରଦାନ କରାଯିବା ନେଇ ଘୋଷଣା କରାଯାଇଛି । ଏହାଛଡା ସାରା ଦେଶରୁ ମଧ୍ୟ ସହାୟତା ଆସିବାରେ ଲାଗିଛି । କେନ୍ଦ୍ର ସରକାର ପକ୍ଷରୁ କେରଳ କୁ ୫୦୦ କୋଟି ଟଙ୍କାର ସହାୟତା ପ୍ରଦାନ କରାଯାଇଛି । ସେହିଭଳି ଅନ୍ୟ ରାଜ୍ୟ ମାନଙ୍କ ମଧ୍ୟରେ ଓଡିଶା ୧୦ କୋଟି ଟଙ୍କା ସହାୟତା ଦେବା ସହ ୮ କୋଟି ଟଙ୍କାର ପଲିଥିନ ଯୋଗାଇ ଦେଇଛି । ଏହାସହ ୨୫୦ ଜଣିଆ ଉଦ୍ଧାରକାରୀ ଦଳକୁ ମଧ୍ୟ କେରଳ ପଠାଯାଇଛି । ସେହିପରି ତାମିଲ ନାଡୁ ୫ କୋଟି ସହାୟତା ସହ ୫୦୦ ମେଟ୍ରିକ ଟନ ଚାଉଳ ଦଚେଦବାକୁ ସ୍ଥିର କରିଛି । ମହାରାଷ୍ଟ୍ର ୨୦ କୋଟି , ଉତ୍ତର ପ୍ରଦେଶ ୧୫ କୋଟି , ହରିୟାଣା ୧୦ କୋଟି , ପଞ୍ଜାବ ୧୦ କୋଟି , ବିହାର ୧୦ କୋଟି , ଗୁଜୁରାଟ ୧୦ କୋଟିର ସହାୟତା ଦେବା ପାଇଁ ଘୋଷଣା ସରିଛି । ତେବେ କେରଳର ଏପରି ପରିସ୍ଥିତି ଦେଖି ବିଭିନ୍ନ ଆଡୁ ସହାୟତା ଆସୁଥିବା ର କେରଳ ମୁଖ୍ୟମନ୍ତ୍ରୀ ପିନାରାଇ ବିଜୟନ କହିଛନ୍ତି ।
