ମାଳଦ୍ୱୀପ (ଏଟିଆର ବ୍ୟୁରୋ ) ; ମାଳଦ୍ୱୀପର ନୂଆ ରାଷ୍ଟ୍ରପତି ହେବେ ଇବ୍ରାହିମ ମହମ୍ମଦ ସୋଲିହ । ଗାଦିଚ୍ୟତ ହେଲେ ରାଷ୍ଟ୍ରପତି ଅବଦୁଲ୍ଲା ୟାମୀନ୍ ଅବଦୁଲ ଗାୟୁମ । ଚିନ ସମର୍ଥିତ ମାଳଦ୍ୱୀପର ବର୍ତ୍ତମାନର ରାଷ୍ଟ୍ରପତି ରାଷ୍ଟ୍ରପତି ଅବଦୁଲ୍ଲା ୟାମୀନ୍ ଅବଦୁଲ ଗାୟୁମ ଙ୍କୁ ପରାସ୍ତ କରି ବିପୁଳ ବିଜୟ ହାସଲ କରିଛନ୍ତି ଇବ୍ରାହିମ ମହମ୍ମଦ ସୋଲିହ । ଅପ୍ରତ୍ୟାଶିତ ଭାବେ ଗାୟୁମଙ୍କୁ ନିର୍ବାଚନରେ ହରାଇଛନ୍ତି ସୋଲିହ । ପୁରା ମାଳଦ୍ୱୀପରେ ଗାୟୁମଙ୍କ ଦବଦବା ଥିବା ବେଳେ ସେ ନିର୍ବାଚନରେ ହରିବେ ବୋଲି କେହି କେବେ ଭାବିନଥିଲେ । ତେବେ ସବୁ ଆକଳନକୁ ଭୁଲ ପ୍ରମାଣିତ କରି ସୋଲିହ ନିର୍ବାଚନ ଜିତିନେଇଛନ୍ତି । ଗାୟୁମଙ୍କୁ ମୋଟ ୪୧.୭% ଭୋଟ ମିଳିଥିବା ବେଳେ ସିଲିହଙ୍କୁ ୫୮.୫ % ଭୋଟ ମିଳିପାରିଛି ।
ସେପଟେ ନିଜ ପରାଜୟକୁ ସ୍ୱୀକାର କରିଛନ୍ତି ବର୍ତ୍ତମାନର ରାଷ୍ଟ୍ରପତି ଗାୟୁମ । ସେ ନିଜ ପରାଜୟକୁ ଗ୍ରହଣ କରିବା ସହ ନୂଆ ରାଷ୍ଟ୍ରପତିଙ୍କୁ ଦାୟିତ୍ୱ ହସ୍ତାନ୍ତର କରିବାରେ ସମସ୍ତ ପ୍ରକାର ସହେଯଗ କରିବେ ବୋଲି କହିଛନ୍ତି । ସେ ନୂଆ ରାଷ୍ଟ୍ରପତିଙ୍କୁ ଭେଟି ଧନ୍ୟବାଦ ମଧ୍ୟ ଦେଇଛନ୍ତି । ତେବେ ଇବ୍ରାହିମ ମହମ୍ମଦ ସୋଲିହ ମାଳଦ୍ୱୀପର ନୂଆ ରାଷ୍ଟ୍ରପତି ଭାବେ ଅତିଶିଘ୍ର ଶପଥ ନେବେ ବୋଲି ଜଣାପଡିଛି ।
