ନୂଆଦିଲ୍ଲୀ (ଏଟିଆର ବ୍ୟୁରୋ): ଦିବଙ୍ଗତ ଅଭିନେତ୍ରୀ ମୀନା କୁମାରୀଙ୍କ ୮୫ତମ ଜୟନ୍ତି ଅବସରରେ ବୁଧବାର ଗୁଗଲ ତାଙ୍କୁ ସମ୍ମାନ ଜଣାଇ ଏକ ଡୁଡଲ ପ୍ରସ୍ତୁତ କରିଛି । ଏହି ଡୁଡଲରେ ମୀନା କୁମାରୀଙ୍କ ଏକ ସୁନ୍ଦର ପେଂଟିଙ୍ଗ ଦେଖିବାକୁ ମିଳୁଛି ।
ଗୁଗଲ ଡୁଡଲ ପେଜର ଅଧିକାରୀଙ୍କ କହିବାନୁଯାୟୀ, ଡୁଡଲରେ ମୀନା କୁମାରୀଙ୍କ ଏକ ପେଂଟିଙ୍ଗ ନଜର ଆସୁଛି । ଯେଉଁଥିରେ ସେ ତାଙ୍କର ସୁନ୍ଦର ଏବଂ ଆକର୍ଷଣ ଆଖିରେ ଦର୍ଶକଙ୍କୁ ବିମୋହିତ କରୁଥିବାର ଦେଖିବାକୁ ମିଳୁଛି ।
୧୯୩୩ ରେ ଜନ୍ମ ମୀନା କୁମାରୀ ୪ ବର୍ଷ ବୟସରେ କ୍ୟାମେରାକୁ ସମ୍ମାନ ଦେବା ଆରମ୍ଭ କରିଦେଇଥିଲେ । ପିଲା ଦିନରୁ ସେ ବେବି ମୀନା ନାମରେ ବେଶ୍ ଜଣା ଶୁଣା । ଦୀର୍ଘ ୩୮ ବର୍ଷ ମଧ୍ୟରେ ସେ ୯୦ ରୁ ଅଧିକ ଫିଲ୍ମ କରି ସାରିଥିଲେ । ତାଙ୍କର ଫିଲ୍ମ ଏବଂ ବ୍ୟକ୍ତିଗତ ଜୀବନରେ ତାଙ୍କୁ ଟ୍ରାଜେଡି କୁଇନ ବୋଲି କୁହାଯାଉଥିଲା । ୧୯୭୨ ରେ ତାଙ୍କର ନିଧନ ହୋଇଥିଲା ।
