ନୂଆଦିଲ୍ଲୀ(ଏଟିଆର ବ୍ୟୁରୋ): ଚଳନ୍ତା ଅବସ୍ଥାରେ ପୋଡି ଗଲା ଟ୍ରେନ । ଆଖି ପିଛୁଳାକେ ଚାଲିଗଲା ୬୫ ଜୀବନ । ଉଦ୍ଧାର କାର୍ଯ୍ୟ ଜାରି । ଦୈନିକ ପାକିସ୍ତାନ କରାଚିରୁ ରାୱଲପିଣ୍ଡୀ ଯାଉଥିବା ତେଜଗାମ ଏକ୍ସପ୍ରେସରେ ନିଆଁ ଲାଗିଛି । ଆଜି ଭୋର ସମୟରେ କରାଚିରୁ ରାୱଲପିଣ୍ଡୀ ଯାଉଥିବା ବେଳେ ପଞ୍ଜାବ ପ୍ରଦେଶ ଲିଆକତପୁର ଅନ୍ତର୍ଗତ ରହିମ ୟାର ଖାଁ ନିକଟରେ ଏହି ଟ୍ରେନରେ ନିଆଁ ଲାଗିଯାଇଥିଲା । ଟ୍ରେନର ପାଣ୍ଟ୍ରିକାର ଥିବା ଗ୍ୟାସ ଟାଙ୍କି ଫାଟିବାରୁ ନିଆଁ ଲାଗିଥିବାର ଜଣାପଡିଛି ।
ନିଆଁ ସଙ୍ଗେ ସଙ୍ଗେ ୩ଟି ବଗିକୁ ବ୍ୟାପି ଯାଇଥିଲା । ଏହି ୩ଟି ବଗିରେ ୨୦୭ ଜଣ ଯାତ୍ରୀ ଥିଲେ । ଚଳନ୍ତା ଅବସ୍ଥାରେ ଟ୍ରେନରେ ନିଆଁ ଲାଗିଯିବାରୁ ଲୋକ ମାନେ ଭୟବିତ ହୋଇ ଟ୍ରେନରୁ ଡେଇଁ ପଡି ବହୁ ଯାତ୍ରୀ ପ୍ରାଣ ହରାଇଥିବା ବେଳେ କିଛି ଜଣ ଗୁରୁତର ଆହତ ହୋଇଛନ୍ତି । ଏହି ଅଗ୍ନିକାଣ୍ଡରେ ୨ଟି ଇକେନେମି କ୍ଲାସ ଓ ଗୋଟିଏ ବିଜିନେଓ କ୍ଲାସ ବଗି ଜଳି ଯାଇଛି । ଏହି ବଗି ଗୁଡିକୁ ଟ୍ରେନରୁ ଅଲଗା କରାଯାଇଛି । ଘଟଣା ସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ କାବୁ କରିବାକୁ ଚେଷ୍ଟା କରିବା ସହ ଉଦ୍ଧାର କାର୍ଯ୍ୟ ଜାରି ରଖିଛି । ଏହି ଅଗ୍ନିକାଣ୍ଡରେ ୬୫ ଜଣଙ୍କର ମୃତ୍ୟୁ ହୋଇଥିବା ବେଳେ ୪୦ ଜଣ ଆହତ ହୋଇଥିବାର ସୂଚନା ମିଳିଛି ।
