ନୂଆଦିଲ୍ଲୀ (ଏଟିଆର ): ବିଶ୍ଵବ୍ୟାପୀ କାୟା ମେଲାଇଛି କରୋନା । ଏହାକୁ ମାତ ଦେବା ପାଇଁ ସ୍ପୁଟିନିକ ଭି ନାମକ ଟୀକା ପ୍ରସ୍ତୁତ କରିଥିବା ରୁଷ ର ସରକାରୀ କମ୍ପାନୀ RDIF ପକ୍ଷରୁ ଭାରତୀୟ ଫାର୍ମାସିଇଟିକାଲ କମ୍ପାନୀ ଡ଼କ୍ଟର ରେଡ୍ଡୀ ସହିତ କଣ୍ଟ୍ରାକ୍ଟ ସାଇନି କରାଯାଇଛି । ଯାହାଫଳରେ ଭାରତରେ ଟୀକାର କ୍ଲିନିକାଲ ଟ୍ରାଏଲ ଏବଂ ୧୦ କୋଟି ଟୀକାର ଡୋଜ ପ୍ରସ୍ତୁତ କରାଯିବ ।
ସୂଚନାଯୋଗ୍ୟ ରୁଷର ରାଷ୍ଟ୍ରପତି ବ୍ଳାଦିମିର ପୁଟିନ ଗତ ମାସରେ କରୋନା ଚିକିତ୍ସା ପାଇଁ ବିଶ୍ୱର ପ୍ରଥମ ପଂଜିକୃତ ଟୀକାର ଘୋଷଣା କରିଥିଲେ । ଏହି ଟିକାକୁ ଗାମାଲେୟା ସାଇଣ୍ଟିଫିକ ରିସର୍ଚ୍ଚ ଇନଷ୍ଟିଚୁଟ ଅଫ ଏପିଡମିୟୋଲୋଜି ଆଣ୍ଡ ମାଇକ୍ରୋବାଈଓଲୋଜି ଦ୍ୱାରା ପ୍ରସ୍ତୁତ କରାଯାଇଛି । ଏହା ମସ୍କୋ ସ୍ଥିତ ଏକ ଚିକିତ୍ସା ସଂସ୍ଥାନ ଅଟେ ।
