ନୂଆଦିଲ୍ଲୀ (ଏଟିଆର ବ୍ୟୁରୋ): ବାହୁବଳୀ ଗେଟ ଅପରେ ନଜର ଆସିଲେ ସବୁଠାରୁ ଶକ୍ତିଶାଳୀ ଦେଶର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଭାରତ ଆସିବାକୁ ଆଉ ମାତ୍ର ହାତ ଗଣତି କେଇଘଣ୍ଟା ରହିଥିବା ବେଳେ ଟ୍ରମ୍ପଙ୍କ ଏକ ଭିଡିଓକୁ ନେଇ ଏବେ ଚର୍ଚ୍ଚା ଜୋର ଧରିଛି । ଭାରତର ସବୁଠାରୁ ଲୋକପ୍ରିୟ ସିନେମା ବାହୁବଳୀ ସିନେମାରେ ଅଭିନେତା ପ୍ରଭାସଙ୍କ ସ୍ଥାନରେ ଡୋନାଲ୍ଡ ଟ୍ରମ୍ପଙ୍କୁ ଦେଖିବାକୁ ମିଳିଛି । ଯେଉଁ ଭିଡିଓକୁ ଏବେ ଖୋଦ ଟ୍ରମ୍ପ ନିଜେ ରି ଟ୍ୱିଟ କରିଥିବା ନଜର ଆସିଛି । ଏହି ଭିଡିଓଟିକୁ ଟ୍ରମ୍ପ ରି ଟ୍ୱିଟ କରି ଲେଖିଛନ୍ତି ଭାରତରେ ଥିବା ନିଜର ଘନିଷ୍ଠ ବନ୍ଧୁଙ୍କୁ ସେ ଭେଟିବାକୁ ଆତୁର ଅଛନ୍ତି । ଏଥିରେ ଟ୍ରମ୍ପଙ୍କ ଝିଅ ଓ ପତ୍ନୀଙ୍କୁ ମଧ୍ୟ ଦେଖିବାକୁ ମିଳିଛି । ସୂଚନାଯୋଗ୍ୟ ଆସନ୍ତାକାଲି ଠାରୁ ଆମେରିକା ରାଷ୍ଟ୍ରପତି ଟ୍ରମ୍ଫ ୨ ଦିନିଆ ଭାରତ ଗସ୍ତରେ ଆସୁଛନ୍ତି ।
Look so forward to being with my great friends in INDIA! https://t.co/1jdk3AW6fG
— Donald J. Trump (@realDonaldTrump) February 22, 2020
୨୪ ତାରିଖରେ ସେ ଅହମ୍ମଦାବାଦ ଓ ତାଜମହଲ ଯିବାର କାର୍ଯ୍ୟକ୍ରମ ରହିଥିବା ବେଳେ ୨୫ ତାରିଖରେ ଦିଲ୍ଲୀରେ ଅନୁଷ୍ଠିତ ହେବାକୁ ଥିବା ବିଭିନ୍ନ କାର୍ଯ୍ୟକ୍ରମରେ ଯୋଗଦେବାର କାର୍ଯ୍ୟକ୍ରମ ରହିଛି । ଏନେଇ କେନ୍ଦ୍ର ସରକାରଙ୍କ ପକ୍ଷରୁ ସମସ୍ତ ପ୍ରସ୍ତୁତି ମଧ୍ୟ ଅନ୍ତିମ ପର୍ଯ୍ୟାୟରେ ପହଞ୍ଚି ସାରିଛି । ଆମେରିକା ରାଷ୍ଟ୍ରପତିଙ୍କ ସୁରକ୍ଷା ନେଇ ତ୍ରିସ୍ତରୀୟ ସୁରକ୍ଷା ବଳୟ ମଧ୍ୟ ପ୍ରସ୍ତୁତ କରାଯାଇଛି । ସୂଚନାଯୋଗ୍ୟ ଟ୍ରମ୍ଫଙ୍କ ସ୍ୱତନ୍ତ୍ର କାର ମଧ୍ୟ ଭାରତ ଆସି ସାରିଲାଣି । ଏହା ସହିତ ଭାରତୀୟ ସୁରକ୍ଷା କର୍ମୀଙ୍କୁ ସହଯୋଗ କରିବା ପାଇଁ ସ୍ୱତନ୍ତ୍ର ୨୦୦ ଶହ ସ୍ନାଇପର ମଧ୍ୟ ଭାରତ ଆସି ସାରିଲେଣି ।
