ଅହମ୍ମଦାବାଦ (ଏଟିଆର ବ୍ୟୁରୋ): ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ତାଙ୍କ ପତ୍ନୀ ଓ ଝିଅ ଜ୍ୱାଇଁ ଅହମ୍ମଦାବାଦ ବିମାନ ବନ୍ଦରରେ ପହଞ୍ଚିଛନ୍ତି ।ସେଠାରେ ତାଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ୱାଗତ କରିବେ ।
ଏହା ପରେ ୧୨ ଟା ୧୫ ମିନିଟରେ ସାବରମତୀ ଆଶ୍ରମ ପରିଦର୍ଶନ କରିବେ । ସେହିଭଳି ୧ ଟା ୫ ରେ ନମସ୍ତେ ଟ୍ରମ୍ପ କାର୍ୟ୍ୟକ୍ରମରେ ଯୋଗଦେବେ । ଅପରାହ୍ନ ୩ ଟା ୩୦ ରେ ଆଗ୍ରା ଯାତ୍ରା କରିବେ । ୬ ଟା ୪୫ ରେ ଦିଲ୍ଲୀ ଅଭିମୁଖେ ଟ୍ରମ୍ପ ଏବଂ ତାଙ୍କ ପତ୍ନୀ ଦିଲ୍ଲୀ ଅଭିମୁଖେ ଯାତ୍ରା କରିବେ ।
ସେହିଭଳି କାଲି ସକାଳୁ ମହାତ୍ମାଗାନ୍ଧୀଙ୍କ ସମାଧୀ ପୀଠ ଦର୍ଶନ କରିବା ସହିତ ବିଭିନ୍ନ କାର୍ୟ୍ୟକ୍ରମରେ ଯୋଗଦେବାର କାର୍ୟ୍ୟକ୍ରମ ରହିଛି।
ଅନ୍ୟପଟେ ଆମେରିକା ରାଷ୍ଟ୍ରପତିଙ୍କ ଗସ୍ତନେଇ ସୁରକ୍ଷା ପାଇଁ ୩୦ ଜଣ ଗୁଇନ୍ଦା ଅଧିକାରୀ ଦିଲ୍ଲୀରେ ପହଞ୍ଚିଛନ୍ତି । ବୈଦେଶିକ ମନ୍ତ୍ରଣାଳୟ ପକ୍ଷରୁ ୨ ଦିନଆ ଭାରତ ଗସ୍ତା କାର୍ୟ୍ୟସୂଚୀ ଜାରି କରାଯାଇଛି ।
