ନୂଆଦିଲ୍ଲୀ (ଏଟିଆର ବ୍ୟୁରୋ): ଖରାଦିନେ ପ୍ରାୟତଃ ଅନେକ ଲୋକ ତରଭୂଜ ଖାଇବାକୁ ପସନ୍ଦ କରିଥାନ୍ତି । ଏହା ସ୍ୱାସ୍ଥ୍ୟ ପାଇଁ ବେଶ୍ ଉପଯୋଗୀ । ଏଥିରେ ପ୍ରଚୁର ପରିମାଣର ଭିଟାମିନ୍ସ ଥିବା ହେତୁ ଏହା ଶରୀରର ଇମ୍ୟୁନ ସିଷ୍ଟମକୁ ମଜବୁତ ରଖିଥାଏ । ତରଭୂଜ ସେବନ କରିବା ଦ୍ୱାର ମସ୍ତିଷ୍କ ଥଣ୍ଡା ରହିଥାଏ । ତରଭୂଜରୁ ଲାଇକୋପିନ୍ ମିଳିଥାଏ, ଯାହା ତ୍ୱଚାର ଚମକକୁ ବଳବତ୍ତର ରଖିଥାଏ । ସେହିପରି ହୃଦ୍ ସମ୍ବନ୍ଧୀୟ ରୋଗକୁ ରୋକିବା ପାଇଁ ଉପଯୋଗୀ ତରଭୂଜ । ଏହାସହିତ ଅନେକ ରୋଗ ମଧ୍ୟ ଦୂର ହୋଇଥାଏ । ଏହା ତ ତରଭୂଜର ଫାଇଦା ବିଷୟରେ ଜାଣିଲେ କିନ୍ତୁ ଆପଣମାନେ ତରଭୂଜ ଖାଇ ସାରିବା ପରେ ତାର ଚୋପାକୁ ନିଶ୍ଚିତ ରୂପେ ଫିଙ୍ଗି ଦେଉଥିବେ । କିନ୍ତୁ ଆପଣ ଜାଣିଛନ୍ତି କି ତୁରଭୂଜ ସହିତ ତାର ଚୋପାରେ ମଧ୍ୟ ପୋଷକ ତତ୍ୱ ରହିଛି , ଯାହା ଅନେକ ରୋଗରୁ ରକ୍ଷା କରିବାରେ ସହାୟକ ହୋଇଥାଏ । ତେବେ ଆସନ୍ତୁ ଜାଣିବା ତରଭୂଜ ଚୋପାରୁ କେଉଁ କେଉଁ ରୋଗ ଦୂର ହୋଇଥାଏ ।
ତରଭୂଜ ଚୋପରେ ପ୍ରଚୁର ପରିମାଣର ଫାଇବର ଥାଏ, ଯାହା ରକ୍ତ ଚାପ ଏବଂ ସୁଗାର ଲେଭଲ କୁ ନିୟନ୍ତ୍ରଣ କରିବାରେ ସହାୟକ ହୋଇଥାଏ । ଏହାବ୍ୟତିତ ଫାଇବରରେ ଭରପୁର ଏହି ଫଳ ପେଟ ସଫା ରଖିଥାଏ ।
ଓଜନ ନିୟନ୍ତ୍ରଣ କରିବାରେ ତରଭୂଜ ଚୋପା ମଧ୍ୟ ସହାୟକ ହୋଇଥାଏ । ଓଜନ ହ୍ରାସ ପାଇଁ ଆପଣ ଏହାକୁ ସାଲାଡ ଭାବେ ସେବନ କରିପାରିବେ ।
ଯଦି ଆପଣଙ୍କୁ ନିଦ ନଆସିବାର ସମସ୍ୟା ହେଉଛି ତେବେ ଆପଣ ତରଭୂଜର ଚୋପାକୁ ବ୍ୟବହାର କରିପାରିବେ । ଏଥିରେ ମ୍ୟାଗ୍ନେସିୟମ ରହିଛି ଯାହା ନିଦ କରାଇବାରେ ସହାୟକ କରିଥାଏ ।
ତରଭୂଜ ଚୋପାରେ ଲାଇକୋପିନ୍, ଫ୍ଲେଭୋନାଇଡ ଏବଂ ଆଣ୍ଟିଅକ୍ସିଡେଣ୍ଟ ଭରପୁର ମାତ୍ରାରେ ଥାଏ । ଏହା ତ୍ୱଚାର କଳା ଦାଗକୁ କମ କରିଥାଏ । ଏହି ଚୋପାକୁ ତ୍ୱଚାରେ ଘସିବା ଦ୍ୱାରା ତ୍ୱଚାରେ ଚମକ ଆସିଥାଏ ।
