ଭୁବନେଶ୍ୱର (ଏଟିଆର ବ୍ୟୁରୋ): ଅନେକ ଏଭଳି ଜିନିଷ ଥାଏ ଯାହାକୁ ପ୍ରୟୋଗ କରିବା ଦ୍ୱାରା ହୁଏତ ଆପଣଙ୍କ ଶରୀର ସୁସ୍ଥ ରହିପାରେ । ଯେପରିକି ମୋଜା ଓଦା ହୋଇଯିବା ପରେ ଆପଣ ତାକୁ କାଢି ଦେଉଥିବେ । କାରଣ ଓଦା ମୋଜା ପିନ୍ଧିବା କାହାରିକୁ ପସନ୍ଦ ନଥାଏ । କିନ୍ତୁ ଆପଣ ଜାଣିଛନ୍ତି କି ଓଦା ମୋଜା ପିନ୍ଧିବା ଦ୍ୱାରା ଶରୀର ପାଇଁ ଖୁବ୍ ଫାଇଦା ହୋଇପାରେ । ଆଜି ଆମେ ଆପଣଙ୍କୁ ଓଦା ମୋଜାର କିଛି ସ୍ୱାସ୍ଥ୍ୟ ସମ୍ବନ୍ଧୀୟ ଫାଇଦା ବିଷୟରେ କହିବାକୁ ଯାଉଛୁ । ତେବେ ଆସନ୍ତୁ ଜାଣିବା କ’ଣ ରହିଛି ଫାଇଦା ।
– ଯଦି ଆପଣଙ୍କର କୌଣସି ପେଟ ସମ୍ବନ୍ଧୀୟ ସମସ୍ୟା ଅଛି ତେବେ ଏକ ପାତ୍ରରେ ପାଣି ନେଇ ସେଥିରେ କିଛି କଳାଜିରା ଏବଂ ପାନମଧୁରୀ ପକାଇ ଫୁଟାନ୍ତୁ । ତାପରେ ସେହି ପାଣିରେ ମୋଜା ବୁଡାଇ ଓଦା କରି ନିଅନ୍ତୁ ଏବଂ ସେହି ମୋଜାକୁ ପାଦରେ ପିନ୍ଧନ୍ତୁ । ଏଭଳି କରିବା ଦ୍ୱାରା ଆପଣଙ୍କ ପେଟ ସମ୍ବନ୍ଧୀୟ ସମସ୍ୟା ଦୂର ହୋଇଯିବ ।
– ଜ୍ୱର ସମୟରେ ମୋଜାକୁ ଭିନେଗାର ପାଣିରେ ବୁଡାଇ ସେହି ମୋଜାକୁ ପାଦରେ ପିନ୍ଧନ୍ତୁ । ଏହାଦ୍ୱାରା ଜ୍ୱର ବହୁତ ଶୀଘ୍ର ଛାଡିଯାଇଥାଏ ।
– ଥଣ୍ଡା କାଶ ଆଦି ସମସ୍ୟାକୁ ଦୂର କରିବା ପାଇଁ ଖୀରରେ ଗୋଟେ ଚାମଚ ପିଆଜ ରସ ଏବଂ ମହୁ ମିଶାଇ ସେଥିରେ ଆପଣଙ୍କ ମୋଜାକୁ ଓଦା କରିଦିଅନ୍ତୁ । ତାପରେ ସେହି ମୋଜାକୁ ଭଲ ଭାବରେ ଚିପୁଡି ପାଦରେ ପିନ୍ଧନ୍ତୁ ।
