ନୂଆଦିଲ୍ଲୀ (ଏଟିଆର ବ୍ୟୁରୋ): ସୂର୍ଯ୍ୟମୁଖୀ ଫୁଲ ଦେଖିବାକୁ ଯେତିକି ସୁନ୍ଦର । ତାର ମଞ୍ଜି ମଧ୍ୟ ସେତିକି ଲାଭଦାୟକ । ଓଜନ ହ୍ରାସ କରିବାଠୁ ନେଇ ଓଜନ ବୃଦ୍ଧି ପର୍ଯ୍ୟନ୍ତ ସୂର୍ଯ୍ୟମୁଖୀ ମଞ୍ଜିର ସାହାରା ନିଆଯାଇଥାଏ । ଏହାସହିତ ଏଥିରେ ଆହୁରି ଅନେକ ଫାଇଦା ମଧ୍ୟ ରହିଛି । ଏଥିରେ ପ୍ରୋଟିନ୍, ଆଣ୍ଟି ଅକ୍ସିଡେଣ୍ଟ, ଜିଙ୍କ, ପୋଟାସିୟମ, ମ୍ୟାଗ୍ନେସିୟମ, ଆୟରନ, ଭିଟାମିନ୍ ବି, ଭିଟାମିନ୍ ବି୬ ରହିଛି । ଏହାକୁ ଖାଦ୍ୟରେ ସାମିଲ କରିବା ଦ୍ୱାରା ଅନେକ ଫାଇଦା ହୋଇପାରେ । ଏହାଦ୍ୱାରା ରୋଗପ୍ରତିରୋଧକ କ୍ଷମତା ମଜବୁତ ହୋଇଥାଏ । ଯାହଦ୍ୱାରା ଆପଣଙ୍କୁ ରୋଗ ହେବାର ସମ୍ଭାବନା ଖୁବ୍ କମ ।
ଓଜନ ହ୍ରାସ ପାଇଁ ଲୋକେ ତାଙ୍କ ଡାଇଟରେ ଅନେକ ଫଳ ଏବଂ ପନିବାର ସାମିଲ କରିଥାନ୍ତି । ସେଥିମଧ୍ୟରୁ ଗୋଟେ ହେଉଛି ସୂର୍ଯ୍ୟମୁଖୀ ମଞ୍ଜି । ଯଦି ଓଜନ ହ୍ରାସ କରିବାର ଅଛି ତେବେ ନିୟମିତ ଡାଇଟରେ ସୂର୍ଯ୍ୟମୁଖୀ ମଞ୍ଜି ସାମିଲ କରନ୍ତୁ ।
ଯଦି ଆପଣଙ୍କର ରକ୍ତଚାପ ମସସ୍ୟା ରହିଛି ତେବେ ସ୍ନାକ୍ସରେ ସୂର୍ଯ୍ୟମୁଖୀ ମଞ୍ଜି ସାମିଲ କରନ୍ତୁ । ଏହାଦ୍ୱାରା ରକ୍ତଚାପ ସ୍ତରରେ ହ୍ରାସ ଘଟିବ । ଏଥିରେ ଥିବା ପୋଟାସିୟମ ରକ୍ତଚାପକୁ ସାଧାରଣ ରଖିଥାଏ ।
ମୁଡ୍ ଏବଂ ବ୍ରେନ୍ ପାଇଁ ଫାଇଦା ସୂର୍ଯ୍ୟମୁଖୀ ମଞ୍ଜି । ଏଥିରେ ଥିବା ଭିଟାମିନ୍ ବି ବ୍ରେନ୍ କୁ ବୁଷ୍ଟ କରିବାରେ ସହାୟକ ହୋଇଥାଏ ।
ପ୍ରତ୍ୟେକ ବ୍ୟକ୍ତି ତ୍ୱଚାରେ ଚମକପଣ ଚାହିଁଥାନ୍ତି । ଏଥିରେ ଥିବା ପୋଷକ ତତ୍ୱ ତ୍ୱଚାରେ ଚମକ ଆଣିଥାଏ । କାରଣ ଏଥିରେ ଭରପୁର ମାତ୍ରାରେ ଭିଟାମିନ୍ ଇ ରହିଛି । ଏହାବ୍ୟତିତ ସୂର୍ଯ୍ୟକିରଣରୁ ହେଉଥିବା କ୍ଷତିକାରକ ପ୍ରଭାବରୁ ରକ୍ଷା କରିଥାଏ ସୂର୍ଯ୍ୟମୁଖୀ ମଞ୍ଜି ।
ଭଜା ହୋଇଥିବା ସୂର୍ଯ୍ୟମୁଖୀ ମଞ୍ଜିକୁ ଆପଣ ଆପଣଙ୍କ ସୁପ୍, ଚା, ସାଲାଡ, ପାସ୍ତା, ଡାଏି ଆଦି ର ପକାଇ ଖାଇ ପାରିବେ । ଶରୀର ପଇଁ ଖୁବ୍ ଉପଯୋଗୀ ସୂର୍ଯ୍ୟମୁଖୀ ମଞ୍ଜି । ଏହି ମଞ୍ଜିକୁ ଅଧିକ ସେବନ କରିବା ମଧ୍ୟ କ୍ଷତିକାରକ ହୋଇଥାଏ ।
