ଭୁବନେଶ୍ୱର (ଏଟିଆର ବ୍ୟୁରୋ): ଦୁନିଆରେ ୧୫ ମିଳିୟନ ଲୋକ ପ୍ରତ୍ୟେକ ବର୍ଷ ହାର୍ଟ ଷ୍ଟ୍ରୋକର ଶିକାର ହୋଇଥାନ୍ତି । ଯେଉଁଥିରେ ପାଖାପାଖି ୬ ମିଲିୟନ ଲୋକଙ୍କର ମୃତ୍ୟୁ ହୋଇଥାଏ ଏବଂ ୫ ମିଲିୟନ ଲୋକ ଅସାମର୍ଥ୍ୟ ହୋଇଯାଇଥାନ୍ତି ।
ଆମେରିକାରେ , ପ୍ରତ୍ୟେକ ବର୍ଷ ୭,୯୫,୦୦୦ରୁ ଅଧିକ ଲୋକ ଷ୍ଟ୍ରୋକ୍ ର ଶିକାର ହୋଇଥାନ୍ତି । ଏହାର ପ୍ରମୁଖ କାରଣ ହେଉଛି ଖରାପ ଜୀବନଶୈଳୀ, ଧୂମପାନ ଏବଂ ମଧୁମେୟ ଭଳି ଅନେକ ରୋଗ । ନିକଟରେ ହୋଇଥିବା ଗବେଷଣା ଅନୁଯାୟୀ ନିୟମିତ ସଠିକ୍ ଭାବେ ନିଦ ନହେବା ଏବଂ ୭ ଘଣ୍ଟାରୁ ଅଧିକ ସମୟ ପର୍ଯ୍ୟନ୍ତ ଶୋଇବା ଦ୍ୱାରା ପ୍ରତ୍ୟେକ ମଣିଷଙ୍କଠାରେ ଷ୍ଟ୍ରୋକ ହେବାର ଆଶଙ୍କା ରହିଥାଏ ।
ଅଧିକ ଶୋଉଥିବା ଲୋକଙ୍କ ମୃତ୍ୟୁ ସଂଖ୍ୟା ୮୫ ପ୍ରତିଶତ ଅଧିକ ହୋଇଥାଏ । ଏହାକୁ ନେଇ ଡାକ୍ତରୀ ଟିମ୍ ଚାଇନାରେ ୩୧,୭୫୦ ଲୋକଙ୍କଠାରୁ ସୂଚନା ସଂଗ୍ରହ କରିଛନ୍ତି ।
ଅଧ୍ୟୟନରେ ପ୍ରତିଯୋଗୀ ମାନଙ୍କ ମଧ୍ୟରେ ୬୨ ବର୍ଷ ବୟସର ଲୋକ ସାମିଲ ଥିଲେ । ସେମାନଙ୍କର କୌଣସି ଷ୍ଟ୍ରୋକ୍ କିମ୍ବା ଅନ୍ୟ ଗମ୍ଭୀର ସ୍ୱାସ୍ଥ୍ୟ ସ୍ଥିତିର ସମସ୍ୟା ନଥିଲା । କିନ୍ତୁ ପ୍ରତିଯୋଗୀମାନେ ସେମାନଙ୍କର ଶୋଇବା ସମୟ ବିଷୟରେ କହିଥିଲେ । ଯେଉଁଥିରୁ ଜାଣିବାକୁ ମିଳିଛି କି ୮ ପ୍ରତିଶତ ପ୍ରତିଯୋଗୀ ୯୦ ମିନିଟ୍ ରୁ ଅଧିକ ଝପି ନେବାରେ ଅଭ୍ୟସ୍ତ ଥିଲେ, ଏବଂ ୨୪ ପ୍ରତିଶତ ପ୍ରତିଯୋଗୀ ନିୟମିତ ୯ ଘଣ୍ଟାରୁ ଅଧିକ ଶୋଇଥାନ୍ତି ।
ଅଧ୍ୟୟନର ଅବଧିରେ , ପ୍ରତିଯୋଗୀ ମାନଙ୍କ ମଧ୍ୟରେ ୧,୫୫୭ ଷ୍ଟ୍ରୋକ୍ ର ପ୍ରସଙ୍ଗ ରହିଥିଲା । ଯେଉଁ ବ୍ୟକ୍ତି ନିୟମିତ ୯ ଘଣ୍ଟାରୁ ଅଧିକ ସମୟ ଶୋଉଥିଲେ ସେମାନଙ୍କ ତୁଳନାରେ ଷ୍ଟ୍ରୋକର ଅନୁଭବ କରୁଥିବା ବ୍ୟକ୍ତିଙ୍କ ସଂଖା ୨୩ ପ୍ରତିଶତ ଅଧିକ ଥିଲା । ଅନ୍ୟପଟେ ଯେଉଁ ବ୍ୟକ୍ତି ରାତିରେ କେବଳର ୭ ରୁ ୮ ଘଣ୍ଟା ଶୋଇଥାନ୍ତି ସେମାନଙ୍କ କ୍ଷେତ୍ରରେ ଷ୍ଟ୍ରୋକ ସମସ୍ୟା କମ୍ ଥିଲା ।
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ୯ ଘଣ୍ଟାରୁ ଅଧିକ ସମୟ ଶୋଇଥାନ୍ତି ସେମାନଙ୍କ ମଧ୍ୟରୁ ୮୫ ପ୍ରତିଶତରୁ ଅଧିକ ଲୋକ ହାର୍ଟ ଷ୍ଟ୍ରୋକ୍ ର ଶିକାର ହୋଇଥାନ୍ତି ।
