ମୁମ୍ବାଇ (ଏଟିଆର ବ୍ୟୁରୋ): ମୁମ୍ବାଇରୁ ଦିଲ୍ଲୀକୁ ଉଡାଣ ଭରିବାକୁ ଥିବା ଏୟାର ଇଣ୍ଡିଆ ବିମାନରେ ଏକ ଅଘଟଣ ଘଟିଛି । ବିମାନରୁ ତଳକୁ ଖସିପଡିଛନ୍ତି ବରିଷ୍ଠ ଏୟାରହଷ୍ଟେସ । ଘଟଣାଟି ଘଟିଛି ଛତ୍ରପତି ଶିବାଜୀ ଅନ୍ତର୍ଜାତୀୟ ବିମାନବନ୍ଦରରେ ।
ଆଜି ସକାଳେ ଯେତେବେଳେ ବିମାନଟି ଉଡାଣ ଭରିବାକୁ ପ୍ରସ୍ତୁତ ହେଉଥିଲା, ସେତେବେଳେ ୫୩ ବର୍ଷିୟା ଏୟାରହଷ୍ଟେସ ହର୍ଷା ଲୋବା ବିମାନର ଦ୍ୱାର ବନ୍ଦ କରୁ କରୁ ତଳକୁ ଖସିପଡିଥିଲେ । ପରେ ଗ୍ରାଉଣ୍ଡରେ ଥିବା ସଦସ୍ୟ ଲୋବୋଙ୍କୁ ଉଦ୍ଧାର କରି ନାନାବତୀ ହସ୍ପିଟାଲରେ ଭର୍ତ୍ତି କରିଛନ୍ତି । ଘଟଣାରେ ଲୋବୋଙ୍କ ଗୋଟେ ଗୋଡ ଆଘାତ ହୋଇଥିବା ଜଣା ପଡିଛି । ଯାହାକୁ ନେଇ ଏୟାର ଇଣ୍ଡିଆ ପକ୍ଷରୁ ଦୁର୍ଭାଗ୍ୟପୂର୍ଣ୍ଣ ବୋଲି କୁହାଯାଇଛି ।
