ଭୁବନେଶ୍ୱର(ଏଟିଆର ବ୍ୟୁରୋ): ୧୯୬୪ ଅକ୍ଟୋବର ୨୨ ତାରିଖରେ ଏକ ଗୁଜୁରାଟି ପରିବାରରେ ଜନ୍ମ ଗ୍ରହଣ କରନ୍ତି ଅମିତ ଶାହା । ଆଜି ସେ ୫୫ ବର୍ଷରେ ପଦାର୍ପଣ କରିଛନ୍ତି । ଏହି ଅବସରରେ ତାଙ୍କ ପାଖକୁ ଶୁଭେଚ୍ଛାର ସୁଅ ଫିଟିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟୁଇଟ କରି ଅମିତ ଶାହାଙ୍କୁ ଶୁଭେଚ୍ଛା ଜଣାଇଛନ୍ତି ।
ପ୍ରଧାନମନ୍ତ୍ରୀ ଟୁଇଟରେ ଲେଖିଛନ୍ତ କର୍ମଠ, ଅଭିଜ୍ଞ, କୁଶଳ ସଂଗଠକ ଏବଂ ମନ୍ତ୍ରିମଣ୍ଡଳରେ ମୋର ସହଯୋଗୀ ଅମିତ ଶାହାଙ୍କ ଜନ୍ମଦିନ ଅବସରରେ ଶୁଭେଚ୍ଛା ଜଣାଉଛି । ସରକାରରେ ମହତ୍ତ୍ବପୂର୍ଣ୍ଣ ଭୂମିକା ତୁଲାଇବା ସହିତ ଭାରତକୁ ସଶକ୍ତ ଓ ସୁରକ୍ଷିତ କରିବାରେ ଶାହାଙ୍କ ଭୂମିକା ଭୁଲିହେବ ନାହିଁ । ଭଗବାନ ତାଙ୍କୁ ଦୀର୍ଘାୟୁ କରନ୍ତୁ ଏବଂ ସର୍ବଦା ସୁସ୍ଥ ରଖନ୍ତୁ, ଏହା ହିଁ କାମନା କରୁଛି । ଅମିତ ଶାହାଙ୍କୁ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟୁଇଟ ମାଧ୍ୟମରେ ଶୁଭେଚ୍ଛା ଜଣାଇଛନ୍ତି ।
