ନୂଆଦିଲ୍ଲୀ (ଏଟିଆର ବ୍ୟୁରୋ): ଆଉ ମାତ୍ର ହାତ ଗଣତି ମାତ୍ର କେଇଟା ଦିନ । ଦିଲ୍ଲୀ ବିଧାନସଭା ନିର୍ବାଚନ ପାଇଁ ଏବେ ସବୁ ରାଜନୈତିକ ଦଳମାନେ ଅଙ୍କକଷା ଆରମ୍ଭ କରିଛନ୍ତି । କଳେବଳେ କୌଶଳେ ରାଜଧାନୀ ଦିଲ୍ଲୀକୁ ନିଜ ଅଧିନରେ ରଖିବାକୁ ୩ ପ୍ରମୁଖ ଦଳ ଅଣ୍ଟାଭିଡିଛନ୍ତି । ତେବେ ଏହି ଅବସରରେ ଗତକାଲି ଦିଲ୍ଲୀ ନିର୍ବାଚନ ପାଇଁ ପ୍ରଚାର ମୈଦାନକୁ ଓହ୍ଲାଇଛନ୍ତି ବିଜେପିର ଚାଣକ୍ୟ କୁହାଯାଉଥିବା ଅମିତ ଶାହା ।
ବିଭିନ୍ନ ସ୍ଥାନରେ ରୋଡ ଶୋ କରିବା ସହିତ ଜନସଭା କରି ଦଳୀୟପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରିଛନ୍ତି ଶାହା । କେନ୍ଦ୍ର ସରକାରଙ୍କ ବିଭିନ୍ନ ବିକାଶ ମୂଳକ ପଦକ୍ଷେପକୁ ପ୍ରସଙ୍ଗକରି ଭୋଟ ଭିକ୍ଷା କରିଛନ୍ତି । ସୂଚନାଯୋଗ୍ୟ ଏଇ ନିକଟରେ ବିଜେପି ପକ୍ଷରୁ ଦିଲ୍ଲୀ ବିଧାନସଭା ନିର୍ବାଚନ ପାଇଁ ୪୦ ଜଣିଆ ଷ୍ଟାର ପ୍ରଚାରକ ତାଲିକା ପ୍ରକାଶ କରାଯାଇଛି । ଯେଉଁଥିରେ ଅମିତ ଶାହା, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଅଭିନେତା ସନ୍ନି ଦେଓଲ ପ୍ରମୁଖଙ୍କ ନାମ ରହିଛି ।
