ପଞ୍ଜାବ (ଏଟିଆର ବ୍ୟୁରୋ ) ; ଅମୃତସରରେ ଘଟିଛି ବଡ ବିସ୍ଫୋରଣ । ଏଥିରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ୧୦ ଜଣରୁ ଉଦ୍ଦ୍ୱର୍ ଲୋକେ ଆହତ ହୋଇଛନ୍ତି । ଅମୃତସର ଅଞ୍ଚଳରେ ହାଇଆଲର୍ଟ ଜାରି କରାଯାଇଥିଲେ ବି ଏଭଳି ବିସ୍ଫୋରଣକୁ ରୋକାଯାଇପାରିନାହିଁ । ଅମୃତସର ନିକଟସ୍ଥ ରାଜାସାନସୀ ଗ୍ରାମରେ ଏହି ବିସ୍ଫୋରଣ ହୋଇଥିବା ଜଣାପଡିଛି । ସୂଚନାଯୋଗ୍ୟ , ଆତଙ୍କବାଦୀ ଜାକିର ମୁସା ଓ ତାର ସହଯୋଗୀ ମାନେ କୌଣସି ବଡ ଧରଣର ଅକ୍ରମଣ ଖବର ପାଇଁ ପଞ୍ଜାବର ଅମୃତସର ଅଞ୍ଚଳରେ ହାଇଆଲର୍ଟ ଜାରି କରାଯାଇଥିଲା । ଏହାସତ୍ୱେ ବି ସ୍ଥାନୀୟ ନିରଙ୍କାରୀ ଭବନ ଉପରେ ଆକ୍ରମଣ କରାଯାଇଥିବା ଜଣାପଡିଛି ।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ , ଦୁଇଜଣ ଯୁବକ ଏକ ବାଇକ ଯୋଗେ ଆସି ବୋମା ଫିଙ୍ଗି ପଳାଇଯାଇଥିଲେ । ସେପଟେ ଏହି ଘଟଣାରେ ୩ ଜଣଙ୍କ ମୃତ୍ୟୁ ହୋଇଥିବା ନେଇ ଆଇଜି ସୁରିନ୍ଦର ପାଲ ସିଂହ କହିଛନ୍ତି । ଦୁର୍ବୃତ୍ତ ମାନେ ଗ୍ରେନେଡ ମାଡ କରିଥିବା ଆଇଜି ଅନୁମାନ କରୁଛନ୍ତି । ଗତକାଲି ସ୍ଥାନୀୟ ନିରଙ୍କାରୀ ଭବନରେ ବହୁ ସଂଖ୍ୟକ ଲୋକମାନେ ଉପସ୍ଥିତ ଥିବାରୁ ଆକ୍ରମଣକାରୀ ମାନେ ସେହିଠାରେ ବିସ୍ଫୋରଣ କରିଥିବା ଅନୁମାନ କରାଯାଇଛି । ସେପଟେ ପୋଲିସ ଘଟଣାର ତଦନ୍ତ କରୁଛି ।
