ନୂଆଦିଲ୍ଲୀ (ଏଟିଆର ବ୍ୟୁରୋ); ନୂଆ ବେଶରେ ଯୋଗଗୁରୁ । ବିଲରେ ଚାଷୀଙ୍କ ସହ ଗହମ କାଟିଲେ ବାବା ରାମଦେବ । ଏବେ ବାବାଙ୍କ ଗହମ କଟା ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ତେବେ ସବୁବେଳେ କିଛି ନୂଆ କରି ଚର୍ଚ୍ଚାରେ ରହି ଆସୁଥିବା ରାମଦେବ ଗହମ କଟାରେ ମଧ୍ୟ ଭଲ କରିପାରିବେ ବୋଲି ଭିଡିଓ ଦେଖିବାକୁ ମିଳୁଛି । ପୂର୍ବରୁ ଯୋଗ,କୁସ୍ତି ଏବଂ ବ୍ୟବସାୟ କରି ବେଶ ଚର୍ଚ୍ଚାରେ ରହିଥିଲେ । ଆଉ ଏବେ ଗହମ କଟା ଭିଡିଓ ଭାଇରାଲ ହେବା ପରେ ବାବା ପୁଣିଥରେ ଚର୍ଚ୍ଚାରେ ରହିଛନ୍ତି ।
ମିଳିଥିବା ସୂଚନା ମୁତାବକ ହରିଦ୍ୱାର ପତଞ୍ଜଳି ଯୋଗପୀଠରେ ବାବା ସକାଳୁ ସକାଳୁ ମର୍ଣ୍ଣିୱାକରେ ଆସିଥିବା ବେଳେ ଚାଷୀମାନେ ଗହମ କାଟୁଥିବା ତାଙ୍କ ନଜରରେ ପଡିଥିଲା । ତେବେ ଚାଷୀଙ୍କୁ ଦେଖିବା ପରେ ସଙ୍ଗେ ସଙ୍ଗେ ବିଲକୁ ଧାଇଁ ଯାଇ ଚାଷୀଙ୍କ ସାଙ୍ଗରେ ଗହମ କାଟିଥିଲେ ରାମଦେବ । ତେବେ ତାଙ୍କ ଗହମ କଟା ଦେଖିବା ପରେ ଏମିତି ଲାଗୁଥିଲା କି ବାବା ଯେଭଳି ପୂର୍ବରୁ ଜଣେ ପୋଖତ ଚାଷୀ । ନିୟମିତ ଭାବରେ ବିଲରେ କାମ କରୁଥିବା ଚାଷୀ ମଧ୍ୟ ତାଙ୍କ ଆଗରେ ଫିକା ପଡିଯିବେ । ତେବେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ବାବାଙ୍କୁ ନେଇ ଲୋକମାନେ କମେଣ୍ଟ କରିବା ଆରମ୍ଭ କରିଦେଇଛନ୍ତି ।
