ନୂଆଦିଲ୍ଲୀ (ଏଟିଆର ବ୍ୟୁରୋ): ବାଲାକୋଟ ଏୟାରଷ୍ଟ୍ରାଇକର ହିରୋ ଅଭିନନ୍ଦନ ବର୍ତ୍ତମାନଙ୍କୁ ଭାରତୀୟ ବାୟୁସେନା ପକ୍ଷରୁ ପ୍ରଶସ୍ତି ପତ୍ର ଦିଆଯାଇ ସମ୍ମାନିତ କରାଯିବ । ଏୟାରଷ୍ଟ୍ରାଇକ ଏବଂ ପାକିସ୍ତାନର ଏଫ୍-୧୬ ଯୁଦ୍ଧ ବିମାନକୁ ମାରି ଖସାଇବା ପାଇଁ ଅଭିନନ୍ଦନଙ୍କୁ ପୁରସ୍କୃତ କରାଯିବ । ସେଥିପାଇଁ ବାୟୁସେନା ଅଧ୍ୟକ୍ଷ ଆରକେଏସ ଭଦୌରିୟା ଦ୍ୱାରା ଅଭିନନ୍ଦନଙ୍କୁ ସମ୍ମାନିତ କରାଯିବ ।
ଅନ୍ୟପଟେ ୯ ନମ୍ବର ସ୍କ୍ୱାଡର୍ନ ଯାହାଙ୍କ ମିରାଜ ୨୦୦୦ ଯୁଦ୍ଧ ବିମାନ ଫେବୃଆର ୨୬ ରେ “ଅପରେସନ୍ ବନ୍ଦର” ଅନୁଯାୟୀ ବାଲାକୋଟ ରେ ଏୟାର ଷ୍ଟ୍ରାଇକକୁ ସଫଳ କରିଥିଲେ ତାଙ୍କୁ ବି ସମ୍ମାନିତ କରାଯିବ । ଏମାନଙ୍କ ବ୍ୟତିତ ୬୦୧ସିଙ୍ଗଲ ୟୁନିଟ୍ ର ମିଣ୍ଟ ଅଗ୍ରୱାଲଙ୍କୁ ବାଲାକୋଟ ଏୟାର ଷ୍ଟ୍ରାଇକର ଯୋଗଦାନ ପାଇଁ ସମ୍ମାନିତ କରାଯିବ ।
ସୂଚନାଯୋଗ୍ୟ, ଫେବୃଆରୀ ୨୬ ରେ ଭାରତୀୟ ବାୟୁସେନାଙ୍କ ଦ୍ୱାରା ଏୟାର ଷ୍ଟ୍ରାଇକ ଯୋଗେ ପାକିସ୍ତାନ ସ୍ଥିତ ବାଲାକୋଟର ଆତଙ୍କବାଦୀ ଠିକଣାକୁ ଉଡାଇ ଦିଆଯାଇଥିଲା ।
