ନୂଆଦିଲ୍ଲୀ (ଏଟିଆର ବ୍ୟୁରୋ): ଏକ ମାସର ଅପେକ୍ଷା ପରେ ଶେଷରେ ଆଇଓଏସ ୟୁଜର୍ସଙ୍କ ପାଇଁ ଲଞ୍ଚ ହେଲା ବ୍ୟାଟଲଗ୍ରାଉଣ୍ଡ ମୋବାଇଲ ଇଣ୍ଡିଆ । ସେହିପରି ବ୍ୟାଟଲଗ୍ରାଉଣ୍ଡ ମୋବାଇଲ ଇଣ୍ଡିଆ ର ଫେସବୁକ ପେଜ ମଧ୍ୟ ଅପଡେଟ ହୋଇଯାଇଛି । ଏଣିକି ଗୁଗଲ ପ୍ଲେ-ଷ୍ଟୋର ବ୍ୟତିତ ଆପଲ ଆପ୍ ଷ୍ଟୋରରୁ ମଧ୍ୟ ମାଗଣାରେ ବ୍ୟାଟଲଗ୍ରାଉଣ୍ଡ ମୋବାଇଲ ଇଣ୍ଡିଆ ଡାଉନଲୋଡ କରି ପାରିବେ । ଚଳିତବର୍ଷ ଜୁଲାଇ ମାସରେ ଆଣ୍ଡ୍ରୋଏଡ ୟୁଜର୍ସଙ୍କ ପାଇଁ ଲଞ୍ଚ ହୋଇଥିଲା ପବଜୀ ର ନୂତନ ଭର୍ସନ ବ୍ୟାଟଲଗ୍ରାଉଣ୍ଡ ମୋବାଇଲ ଇଣ୍ଡିଆ ।
ଲଞ୍ଚ ହେବା ପରେ ଆଣ୍ଡ୍ରୋଏଡ ଡିଭାଇସରେ ଏହି ଗେମ୍ ଡାଉନଲୋଡ ସଂଖ୍ୟା ୫୦ ମିଲିଅନ ପାର୍ କରିଛି । କ୍ରାଫ୍ଟନ ପକ୍ଷରୁ ଏନେଇ ପ୍ରେସ ରିଲିଜ ଜରିଆରେ ସୂଚନା ଦିଆଯାଇଛି । କମ୍ପାନୀ ଏହାକୁ ଆଇଓଏସ ରେ ଲଞ୍ଚ କରିବା ପରେ ୱେଲକମ ରିୱାର୍ଡ ମଧ୍ୟ ଘୋଷଣା କରିଛି । ୱେଲକମ ରିୱାର୍ଡସ ଅନୁଯାୟୀ ପ୍ଲେୟର୍ସଙ୍କୁ ରେକନ ମାସ୍କ, ରେକନ ଆଉଟଫିଟ୍, ସେଲିବ୍ରେସନ ଏକ୍ସପର୍ଟ ଟାଇଟଲ ଏବଂ ୩୦୦ଏଜି ମିଳିବ ଯାହାକୁ ପରେ ରିଡିମ କରାଯାଇପାରିବ ।
