ନୂଆଦିଲ୍ଲୀ ( ଏଟିଆର ବ୍ୟୁରୋ): ଆଜି କଂଗ୍ରେସ ନୂଆଦିଲ୍ଲୀରେ ଭାରତ ବଞ୍ଚାଅ ରାଲିରେ ସିଧା ଟାର୍ଗେଟ କରିଛି ମୋଦିଙ୍କୁ । ମୋଦି ଦେଶ ବାସୀଙ୍କ ସହିତ ପ୍ରତାରଣା କରିଛନ୍ତି ବୋଲି କଂଗ୍ରେସ ଅଭିଯୋଗ କରିଛି । ତେବେ ଏହି ଅବସରରେ ରାହୁଲ ଗାନ୍ଧୀ କହିଛନ୍ତି ମୋଦି ନୋଟ ବନ୍ଦୀ କରି ଦେଶର ଅର୍ଥ ବ୍ୟବସ୍ଥାକୁ ବିଗାଡି ଦେଇଛନ୍ତି । ଯାହା ୨ ବର୍ଷ ପରେ ମଧ୍ୟ ସୁଧୁରି ନାହିଁ । ଯାହାର ପ୍ରଭାବ ଦେଶବାସୀ ଭୋଗୁଛନ୍ତି । ସେ ଆହୁରି ମଧ୍ୟ କହିଛନ୍ତି ଗତ ୫ ବର୍ଷ ମଧ୍ୟରେ ମୋଦି ସରକାର ଆଦାନୀକୁ ୫୦ ଟି ବଡବଡ କାମ ଦେଇଛନ୍ତି ।
ବିନା ଟେଣ୍ଡରରେ ବିମାନ ବନ୍ଦର ତିଆରି କରିବାକୁ ଅନୁମତି ଦେଇଛନ୍ତି । ସେହିଭଳି ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ କହିଛନ୍ତି ଗତ ୬ ବର୍ଷ ହେଲା ମୋଦୀ ଦେଶବାସୀଙ୍କୁ ଭୂଆଁ ବୁଲାଇଛନ୍ତି । ସେ କୌଣସି ଗୋଟିଏ ବି ପ୍ରତିଶୃତି ପୂରଣ କରିବାରେ ସଫଳ ହୋଇ ନାହାନ୍ତି । ଦେଶରେ ୨ କୋଟି ନିଯୁକ୍ତି ସୃଷ୍ଟି ହେବ ବୋଲି ପ୍ରତିଶୃତି ଦେଇଥିଲେ । ଯାହା ଏବେ ପାଣିରେ ଗାର ପାଲଟିଛି ।
