ନୂଆଦିଲ୍ଲୀ (ଏଟିଆର ବ୍ୟୁରୋ): ଦେଶର ସବୁଠୁ ବଡ ବ୍ୟବସାୟୀ ମୁକେଶ ଅମ୍ବାନୀ ଓ ନୀତା ଅମ୍ବାନୀଙ୍କ ପରିବାରରେ ଖୁସୀର ମାହୋଲ । ଦ୍ୱିତୀୟ ସନ୍ତାର ମାତା-ପିତା ହୋଇଛନ୍ତି ମୁକେଶ ଅମ୍ବାନୀଙ୍କ ବଡ ପୁଅ ଆକାଶ ଏବଂ ବୋହୂ ଶ୍ଲୋକା । ଅମ୍ବାନୀ ପରିବାରକୁ ଆସିଛି କୁନି ଅତିଥି । ଏକ ସୁନ୍ଦର କନ୍ୟା ସନ୍ତାନ ଜନ୍ମ ଦେଇଛନ୍ତି ଶ୍ଲୋକା ।
ବୁଧବାର କନ୍ୟା ସନ୍ତାନକୁ ଜନ୍ମ ଦେଇଛନ୍ତି ଶ୍ଲୋକା । ଏନେଇ ଅମ୍ବାନୀ ପରିବାରରୁ ସୂଚନା ନଦିଆଯାଇଥିଲେ ମଧ୍ୟ ସେଲିବ୍ରିଟି ଫଟୋଗ୍ରାଫର ୟୋଗେନ ଶାହା ତାଙ୍କ ଇଂଷ୍ଟାଗ୍ରାମରେ ସୂଚନା ସେୟାର କରିଛନ୍ତି ।
