ମୁମ୍ବାଇ (ଏଟିଆର ବ୍ୟୁରୋ): ରିଲିଆନ୍ସ କମ୍ପାନୀର ମାଲିକ ମୁକେଶ ଅମ୍ବାନୀଙ୍କ ଝିଅଙ୍କ ବାହାଘର ପରେ ଏବେ ପୁଅ ଆକାଶ ଅମ୍ବାନୀଙ୍କ ବାହାଘର ହେବାକୁ ଯାଉଛି । ଆସନ୍ତା ମାର୍ଚ୍ଚ ୯ ତାରିଖରେ ବିବାହ ବନ୍ଧନରେ ବାନ୍ଧି ହେବେ ଆକାଶ । ଯେଉଁଭଳି ଭାବେ ଝିଅ ଇଶାଙ୍କ ବାହାଘରରେ ମୁକେଶ ଅମ୍ବାନୀ କୋଟି କୋଟି ଟଙ୍କା ଖର୍ଚ୍ଚ କରିଥିଲେ ଠିକ୍ ସେହିପରି ଭାବେ ରୟାଲ ଅନ୍ଦାଜରେ ଆକାଶଙ୍କ ବାହାଘର ହେବ ।
ଆକାଶ ଅମ୍ବାନୀଙ୍କ ବାହାଘର ପୂର୍ବରୁ ସ୍ୱିଇଜରଲ୍ୟାଣ୍ଡର ସେଣ୍ଟ ମୋରିଟଜ୍ ରେ ପ୍ରିୱେଡିଙ୍ଗ ପାର୍ଟିର ଆୟୋଜନ କରାଯାଇଛି । ଫେବ୍ରୁଆର ୨୪ରେ ହେବାକୁ ଥିବା ଏହି ପାର୍ଟିରେ ସମସ୍ତ ତଥ୍ୟ ଏବେ ସାମ୍ନାକୁ ଆସିଛି । ତେବେ ଆସନ୍ତୁ ଜାଣିବା କିଭଳି ଭାବେ ଆୟାଜନ କରାଯାଇଛି ଆକାଶଙ୍କ ପ୍ରି ୱେଡିଂ ରିସେପସନ୍ ।
ଏହି ପ୍ରି ୱେଡିଙ୍ଗ ପାର୍ଟିରେ ପାଖାପାଖି ୫୦୦ ଅତିଥିଙ୍କୁ ଆମନ୍ତ୍ରଣ କରାଯାଇଛି । ଏଥିରେ ଦେଶ ତଥା ଦେଶ ବାହାରୁ ବହୁ ବଡ ବଡ ବ୍ୟକ୍ତି ସାମିଲ ହେବେ । ସେଣ୍ଟ ମୋରିଟଜର ସବୁଠାରୁ ଦାମୀ ହୋଟେଲରେ ଏହି ପାର୍ଟିର ଆୟୋଜନ କରାଯାଇଛି ।
ସ୍ୱିଇଜରଲ୍ୟାଣ୍ଡର ସୌନ୍ଦର୍ଯ୍ୟତା ଖୁବ୍ ନିଆରା । ମାତ୍ର ଯେଉଁ ସ୍ଥାନରେ ଏହି ପାର୍ଟିର ଆୟୋଜନ କରାଯାଇଛି ତାହା କୌଣସି ସ୍ୱର୍ଗପୁର ଠାରୁ କମ୍ ନୁହେଁ । ଅମ୍ବାନୀ ପରିବାର ଗୋଟେ ସପ୍ତାହ ପାଇଁ ଏହି ହୋଟେଲର ଅଧିକାଂଶ ରୁମ୍ କୁ ବୁକ୍ କରାଯାଇଛି । ଏହାସହିତ ଅତିଥିମାନଙ୍କ ପାଇଁ ଏଠାରେ ଖାସ୍ ବ୍ୟବସ୍ଥା କରାଯାଇଛି । ରବିବାର ସନ୍ଧ୍ୟା ୫.୩୦ ରୁ ଆରମ୍ଭ କରି ସକାଳ ୨ଟା ପର୍ଯ୍ୟନ୍ତ ଏହି ପାର୍ଟି ଚାଲିବ । ଏହି ପାର୍ଟିରେ ଭାରତୀୟ ସଙ୍ଗୀତର ନୃତ୍ୟ ପରିବେଷଣ କରାଯିବ । ଏହି ପାର୍ଟିର ସମ୍ପୂର୍ଣ୍ଣ ଦାୟିତ୍ୱ ଲଣ୍ଡନର ଏକ ଇଭେଣ୍ଟ କମ୍ପାନୀ ନେଇଛି ।
ଏହାସହିତ ଅତିଥିଙ୍କୁ ନେବା ଆଣିବା କରିବା ଲାଗି ଦୁଇଟି ବିମାନର ବ୍ୟବସ୍ଥା କରାଯାଇଛି । ଏହି ପାର୍ଟିରେ ବଲିଉଡର କିଛି ଜଣା ଶୁଣା କଳାକାର ସାମିଲ ହେବେ ବୋଲି ଜାଣିବାକୁ ମିଳିଛି । ଏହାପରେ ମାର୍ଚ୍ଚ ୯ରେ ମୁମ୍ବାଇର ଟ୍ରାଇଡେଣ୍ଟରୁ ବରଯାତ୍ରୀ ବାହାରି ବାନ୍ଦ୍ର କୁର୍ଲା କମ୍ପେ୍ଲକ୍ସନ ସ୍ଥିତ ଜିଓ ୱାଲ୍ଡ ସେଣ୍ଟର ଅଭିମୁଖେ ଯିବ ।
ଜିଓ ୱାଲ୍ଡ ସେଣ୍ଟର ଠାରେ ମାର୍ଚ୍ଚ ୧୦ ରେ ଆକାଶ ଏବଂ ଶ୍ଲୋକାଙ୍କା ୱେଡିଙ୍ଗ ସେଲିବ୍ରେସନ କରାଯିବ । ଏହି ଉତ୍ସବରେ ବାଣିଜ୍ୟ, ବଲିଉଡ ଏବଂ ରାଜନୀତି ଜଗତର ଅନେକ ନାମୀ ଦାମୀ ହସ୍ତି ସାମିଲ ହେବେ ।
