ନୂଆଦିଲ୍ଲୀ (ଏଟିଆର ବ୍ୟୁରୋ): ଆଜିଠୁ ଆରମ୍ଭ ହୋଇଛି ରେଡମୀ ନୋଟ୍ ୧୦ ପ୍ରୋ ର ପ୍ରଥମ ସେଲ । ଆମାଜନ୍ ଇଣ୍ଡିଆରୁ ଏହି ଫୋନକୁ କିଣି ପାରିବେ ଗ୍ରାହକ । ୮ଜିବି ର୍ୟାମ ଏବଂ ୧୨୮ ଜିବି ଇଂଟରନାଲ ଷ୍ଟୋରେଜ ବିଶିଷ୍ଟ ଏହି ଫୋନ୍ ର ଦାମ୍ ୧୫,୯୯୯ ଟଙ୍କା ରଖାଯାଇଛି । ଏହାସହିତ ଏହି ଫୋନ୍ ରେ ୬୪ ମେଗାପିକ୍ସଲର କ୍ୟାମେରା ଏବଂ ସ୍ନାପଡ୍ରାଗନ ୭୩୨ଜି ପ୍ରୋସେସର ସହିତ ଅନେକ ଫିଚର୍ସ ଦିଆଯାଇଛି । ଫୋନଟିର ତିନୋଟି କଲର ଅପ୍ସନ ତଥା ଡାର୍କ ନାଇଟ, ଗ୍ଲେସିୟଲ ବ୍ଲ୍ୟୁ ଏବଂ ଭିଂଟେଜ ବ୍ରାଞ୍ଜ କଲର ରହିଛି ।
ପ୍ରଥମ ସେଲରେ କମ୍ପାନୀ ଆଇସିଆଇସିଆଇ ବ୍ୟାଙ୍କର କ୍ରେଡିଟ କାର୍ଡ ଏବଂ ଇଏମଆଇ ଟ୍ରାଞ୍ଜାକ୍ସନ ଉପରେ ଏକ ହଜାର ଟଙ୍କା ରିହାତି ଦେଉଛି । ଏହାବ୍ୟତିତ ମୋବିୱିକରୁ ଫୋନ୍ କିଣିବା ଦ୍ୱାରା ଗ୍ରାହକଙ୍କୁ ୫ ହଜାର ଟଙ୍କାର କ୍ୟାଶ ବ୍ୟାକ ମଧ୍ୟ ମିଳିବ ।
ଡୁଆଲ ନାନୋ ସିମ୍ ସପୋଟ ବିଶିଷ୍ଟ ଏହି ଫୋନ୍ ରେ ୬.୬୭ ଇଂଚର ଫୁଲ୍ ଏଚଡି ପ୍ଲସ ସୁପର ଆମୋଲେଡ ଡିସପ୍ଲେ ଦିଆଯାଇଛି । ଫେନ୍ର ମେମୋରି ମାଇକ୍ରୋ ଏସଡି କାର୍ଡ ଜରିଆରେ ୫୧୨ ଜିବି ପର୍ଯ୍ୟନ୍ତ ବଢାଯାଇପାରେ । ଫଟୋଗ୍ରାପ ପାଇଁ ଏହି ଫୋନରେ ଏଲଇଡି ଫ୍ଲାସ ସହିତ କ୍ୱାର୍ଡ ରିୟର କ୍ୟାମେରା ସେଟଅପ୍ ଦିଆଯାଇଛି । ସେହିପରି ଫୋନରେ ୫୦୨୦ଏମଏଏଚ ର ବ୍ୟାଟେରୀ ଦିଆଯାଇଛି । ଯାହା ୩୩ ୱାଟ୍ ର ଫାଷ୍ଟ ଚାର୍ଜିଂକୁ ସପୋର୍ଟ କରିବ ।
