ନୂଆଦିଲ୍ଲୀ (ଏଟିଆର ବ୍ୟୁରୋ): ୱାନପ୍ଲସ ତାର ନୂତନ ସ୍ମାର୍ଟଫୋନ୍ Oneplus Nord CE 5G ଭାରତରେ ଲଞ୍ଚ କରିଛି । ଏହି ଫୋନ ୱାନପ୍ଲସ ନର୍ଡ ସିରିଜର ଦ୍ୱିତୀୟ ଫୋନ । ଏହି ଫୋନକୁ ନେଇ କୁହାଯାଉଛି କି ଏହା ୱାନପ୍ଲସ ୬ଟି ପରେ ସବୁଠାରୁ ପତଳା ଫୋନ । ଏହି ଫୋନକୁ ମ୍ୟାଟ ଏବଂ ଗ୍ଲାସି ବ୍ୟାକ ଫିନିଶ ସହିତ ଆପଣ କିଣିପାରିବେ ।
ୱାନପ୍ଲସ ନର୍ଡ ସିଇ ୫ଜି ର ପ୍ରାରମ୍ଭିକ ଦର ୨୨,୯୯୯ ଟଙ୍କା ରହିଛି । ଏଥିରେ ୬ଜିବି ର୍ୟାମ ଏବଂ ୧୨୮ ଜିବି ଷ୍ଟୋରେଜ ଭ୍ୟାରିଏଣ୍ଟ ରହିଛି । ସେହିପରି ୮ଜିବି ର୍ୟାମ ଏବଂ ୧୨୮ ଜିବି ଷ୍ଟୋରେଜ ଭ୍ୟାରିଏଣ୍ଟର ଦାମ ୨୪,୯୯୯ ଟଙ୍କା ରହିଥିବା ବେଳେ ୧୨ ଜିବି ର୍ୟାମ ଏବଂ ୨୫୬ ଜିବି ଷ୍ଟୋରେଜ ଭ୍ୟାରିଏଣ୍ଟର ଦାମ ୨୭,୯୯୯ ଟଙ୍କା । ଏହି ଫୋନ ବ୍ଲ୍ୟୁ ଭଏଡ, ଚାରକୋଲ ଇଙ୍କ ଏବଂ ସିଲ୍ଭର ରେ କଲର ରେ ଆମାଜନ ଇଣ୍ଡିଆ ଏବଂ ୱାନପ୍ଲସ ଅନଲାଇନ ଷ୍ଟୋରରେ ମିଳିବ । ଫୋନ୍ ର ପ୍ରି-ରେଜିଷ୍ଟ୍ରେସନ ଆରମ୍ଭ ହୋଇଯାଇଥିବା ବେଳେ ଜୁନ୍ ୧୬ ରୁ ଏହାର ବିକ୍ରି ଆରମ୍ଭ ହେବ ।
