ନୂଆଦିଲ୍ଲୀ (ଏଟିଆର ବ୍ୟୁରୋ); ଆସନ୍ତା ମାର୍ଚ୍ଚ ୧୭ ରେ କିଣି ପାରିବେ ଓପୋ ର ଫୋଲ୍ଡେବୁଲ ଫୋନ ଓପୋ ଫାଇଣ୍ଡ ଏନ୨ ଫ୍ଲିପ । ସ୍ମାର୍ଟଫୋନର ଦାମ୍ ରିଭିଲ କରିଛି କମ୍ପାନୀ । ଫୋନଟିକୁ ଆପଣ ୮୯,୯୯୯ ଟଙ୍କାରେ କିଣିପାରିବେ । କେବଳ ଏତିକି ନୁହେଁ କମ୍ପାନୀ ଗ୍ରାହକଙ୍କୁ ୫ ହଜାର ଯାଏଁ ଇଂଷ୍ଟାଣ୍ଟ ରିହାତି ଏବଂ ୫ ହଜାର ଟଙ୍କାର ଏକ୍ସଚେଞ୍ଜ ବୋନଓ ମଧ୍ୟ ଦେଉଛି ।
ମୋବାଇଲ ଫୋନକୁ ଆପଣ ମୁନ୍ ଲାଇଟ ପର୍ପଲ ଏବଂ ଏଷ୍ଟ୍ରଲ ବ୍ଲାକରେ ଅର୍ଡର କରିପାରିବେ । ଭାରତରେ ଏହି ସ୍ମାର୍ଟଫୋନ ସିଙ୍ଗଲ ଷ୍ଟୋରେଜ ଭାରିଆଣ୍ଟରେ ବିକ୍ରି ପାଇଁ ଉପଲବ୍ଧ ହେବ ।
ସ୍ମାର୍ଟଫୋନର ସ୍ପେସିଫିକେଶନ କଥା ଯଦି କହିବା ତେବେ ଏଥିରେ ୬.୭୯ ଇଂଚର ମେନ୍ ଡିସପ୍ଲେ ଏବଂ ୩.୨୬ ଇଂଚର କଭର ଡିସପ୍ଲେ ଦିଆଯାଇଛି ।ଏହାସହିତ ୮ଜିବି ର୍ୟାମ ଏବଂ ୨୫୬ଜିବି ଇଂଟରନାଲ ଷ୍ଟୋରେଜ ସାଙ୍ଗକୁ ୪୩୦୦ ଏମଏଏଚ ର ବ୍ୟାଟେରୀ ଦିଆଯାଇଛି । ଫଟୋଗ୍ରାଫି ପାଇଁ ୫୦ ଏମପିର ମେନ୍ କ୍ୟାମେରା ଓ ୮ ଏମପିର ଅଲ୍ଟ୍ରାୱାଇଡ କ୍ୟାମେରା ଏବଂ ସେଲ୍ଫି ପାଇଁ ୩୨ଏମପି ର କ୍ୟାମେରା ଦିଆଯାଇଛି ।
