ନୂଆଦିଲ୍ଲୀ (ଏଟିଆର ବ୍ୟୁରୋ): ଭାରତରେ ରେଡମୀ ତାର ନୂତନ ରେଡମୀ ନୋଟ୍ ୧୧ ପ୍ରେ ଲଞ୍ଚ କରିଛି । ସିରିଜ୍ ଅନୁଯାୟୀ ଦୁଇଟି ନୂତନ ସ୍ମାର୍ଟଫୋନ ରେଡମୀ ନୋଟ ୧୧ ପ୍ରୋ ଏବଂ ରେଡମୀ ନୋଟ ପ୍ରୋ ପ୍ଲସ ଲଞ୍ଚ କରିଛି କମ୍ପାନୀ ।
ଭାରତରେ ରେଡମୀ ନୋଟ ୧୧ ପ୍ରୋ ସିରିଜ୍ ର ଦାମ୍ ୧୭୯୯୯ ଟଙ୍କା ରୁ ଆରମ୍ଭ । ଏହି ସ୍ମାର୍ଟଫୋନର ମୁକାବିଲା ପୋକୋ ଏକ୍ସ୩ ପ୍ରୋ, ସାମସଙ୍ଗ ଗାଲାକ୍ସି ଏ୨୨, ଓପୋ ଏଫ୧୯ଏସ ଏବଂ ରିଅଲମି ୮ଏସ ୫ଜି ସହ ରହିବ ।
ରେଡମୀ ନୋଟ ୧୧ ପ୍ରୋ ଏବଂ ରେଡମୀ ନୋଟ ୧୧ ପ୍ରୋ ପ୍ଲସରେ ୬.୬୭ ଇଂଚର ଡିସପ୍ଲେ ଦିଆଯାଇଛି । ଯାହା ୧୨୦ଏଚଜେଡ ରିଫ୍ରେସ ରେଟ ଏବଂ ଫୁଲଏଚଡି ପ୍ଲସ ରିଜ୍ୟୁଲେସନକୁ ସପୋର୍ଟ କରିଥାଏ । ପ୍ରୋଟେକ୍ସନ ପାଇଁ କର୍ନିଙ୍ଗ ଗରିଲା ଗ୍ଲାସ ୫ ଲଗାଯାଇଛି । ରେଡମୀ ନୋଟ ୧୧ ପ୍ରୋରେ ମେଡିଆଟେକ ହେଲିଓ ଜି୯୬ ପ୍ରୋସେସର ସହିତ ୮ଜିବି ପର୍ଯ୍ୟନ୍ତ ର୍ୟାମ ଏବଂ ୧୨୮ ଜିବି ଷ୍ଟୋରେଜ ଦିଆଯାଇଛି । ସେହିପରି ରେଡମୀ ନୋଟ ୧୧ ପ୍ରୋ ପ୍ଲସରେ ସ୍ନାପଡ୍ରାଗନ ୬୯୫ ପ୍ରୋସେସର ସହିତ ୮ଜିବି ର୍ୟାମ ଏବଂ ୨୫୬ଜିବି ଷ୍ଟୋରେଜ ଦିଆଯାଇଛି ।
