ନୂଆଦିଲ୍ଲୀ (ଏଟିଆର ବ୍ୟୁରୋ): ଦୀର୍ଘ ଦିନ ହେବ ସାମସଙ୍ଗ ଗାଲାକ୍ସି ଏସ୧୦ ର ଶସ୍ତା ଭର୍ସନ ପାଇଁ ଲୋକେ ଅପେକ୍ଷା କରି ରହିଥିଲେ । ମାତ୍ର ଏବେ ଅପେକ୍ଷାର ଅନ୍ତ ଘଟିଛି । ଆଜି ସାମସଙ୍ଗ ତାର ଗାଲାକ୍ସି ଏସ୧୦ ଲାଇଟ୍ ଲଞ୍ଚ କରିଛି । ଏହା ସାମସଙ୍ଗ ର ଆଫୋର୍ଡେବଲ ସ୍ମାର୍ଟଫୋନ୍ । ଫେବୃଆରୀ ୪ ରୁ ଫୋନ୍ ବିକ୍ରି ଆରମ୍ଭ ହୋଇଯିବ । ହୁଏତ ଏହି ଫୋନ୍ ପାଇଁ ଅନଲାଇନ୍ ରେ ପ୍ରି-ବୁକିଂ ଆରମ୍ଭ ହୋଇଯାଇଛି ।
ଗାଲାକ୍ସି ଏସ୧୦ ଲାଇଟ ର ୭.୬ ଇଞ୍ଚର ଫୁଲ ଏଚଡି ସ୍କ୍ରିନ୍ ରହିଛି । ଏହା ସାମସଙ୍ଗ ସୁପର ଏମୋଲେଡ ସହିତ ଆସିବ । ଫୋନରେ ଟ୍ରିପଲ ରିୟର କ୍ୟାମେରା ବି ରହିଛି । ଏହାର ପ୍ରାଇମେରୀ କ୍ୟାମେରା ୪୮ ଏମପି । ସେକେଣ୍ଡାରୀ କ୍ୟାମେରା ୧୨ ଏମପି ର ଅଲ୍ଟ୍ରା ୱାଇଣ୍ଡ ଆଙ୍ଗେଲ ସହ ଆସିବ । ତୃତୀୟ କ୍ୟାମେରା ୫ ଏମପି, ଯାହା ମାଇକ୍ରୋ ଫଟୋଗ୍ରାଫି ପାଇଁ ରହିବ । ଏହାସହିତ ଏହି ଫୋନ୍ ସୁପର ଫାଷ୍ଟ ଟେକନିକ୍ ସହ ଉପଲବ୍ଧ ହେବ । ଏଥିରେ ୮ ଜିବି ର୍ୟାମ ଏବଂ ୧୨ ଜିବି ଇଂଟରନାଲ ଷ୍ଟୋରେଜ୍ ରହିଛି । ଏହାବ୍ୟତିତ ଏଥିରେ ସ୍ନାପଡ୍ରାଗନ ୮୫୫ ପ୍ରୋସେସର ବ୍ୟବହାର କରାଯାଇଛି ।
କମ୍ପାନୀ ପକ୍ଷରୁ ଏସ୧୦ ଲାଇଟ୍ ର ଦର ୩୯,୯୯୯ ଟଙ୍କା ରଖାଯାଇଛି । ଏହି ଫୋନ୍ କୁ ପ୍ରି-ବୁକିଂ କରିବା ଦ୍ୱାରା ୫ ହଜାର ଛାଡ ମିଳିବ । ଏହାସହିତ ୱାନଟାଇମ ସ୍କ୍ରିନିଂ ରିପ୍ଲେସମେଣ୍ଟ ସହ ୧୯୯୯ ଟଙ୍କାର ଆକ୍ସିଡେଣ୍ଟାଲ କଭରେଜ୍ ବି ମିଳିବ ।
