ନୂଆଦିଲ୍ଲୀ (ଏଟିଆର ବ୍ୟୁରୋ): ନିକଟରେ ସାମସଙ୍ଗ ତାର ନୂତନ ଆଣ୍ଡ୍ରୋଏଡ ଟ୍ୟାବଲଟ ଗାଲାକ୍ସି ଟ୍ୟାବ ଏ୭ ଭାରତରେ ଲଞ୍ଚ କରିଛି । ଦୁଇଟି ଭ୍ୟାରିଏଣ୍ଟ ଏଲଟିଇ ଏବଂ ୱାଇଫାଇ ବଜାରକୁ ଅଣାଯାଇଛି । ଗାଲାକ୍ସି ଟ୍ୟାବ ଏ୭ର ୧୦.୪ ଇଞ୍ଚ ବିଶିଷ୍ଟ ଏଲଟିଇ ମଡେଲର ଦାମ ୨୧ ହଜାର ୯୯୯ ରହିଥିବା ବେଳେ ୱାଇଫାଇ ମଡେଲର ଦାମ ୧୭ ହଜାର ୯୯୯ ରହିଛି । ସବୁଠାରୁ ଖାସ କଥା ହେଉଛି ଏବେ ଗାଲାକ୍ସି ଟ୍ୟାବ ଏ୭ର ୱାଇଫାଇ ଭ୍ୟାରିଏଣ୍ଟକୁ ଆପଣ ବୁକ୍ କରି ପାରିବେ । ଏହାର ତିନୋଟି କଲର ଅପ୍ସନ ଯଥା ଡାର୍କ ଗ୍ରେ, ସିଲଭର, ଏବଂ ଗୋଲ୍ଡ ରହିଛି ।
ନୂତନ ଗାଲାକ୍ସି ଟ୍ୟାବ ଏ୭ କୁ ୩ଜିବି ର୍ୟାମ ଏବଂ ୩୨ଜିବି ଇଂଟରନାଲ ସହିତ ବଜାରରେ ଲଞ୍ଚ କରାଯାଇଛି । ଆବଶ୍ୟକ ପଡିଲେ ଆପଣ ମାଇକ୍ରୋଏସଡି କାର୍ଡ ସହାୟତାରେ ଏହାର ଷ୍ଟୋରେଜକୁ ଆଇଟିବି ପର୍ଯ୍ୟନ୍ତ ବଢାଇ ପାରିବେ । ଏଥିରେ କ୍ୱାର୍ଡ ସ୍ପିକର ସେଟଅପ ସହିତ ଡୋଲବି ଆଟମସ ସରାଉଣ୍ଡ ସାଉଣ୍ଡ ସପୋର୍ଟ ବି ମିଳୁଛି ।
