ନୂଆଦିଲ୍ଲୀ (ଏଟିଆର ବ୍ୟୁରୋ): ଆଜି ସକାଳୁ ମହାରାଷ୍ଟ୍ର କଂଗ୍ରେସର ବରିଷ୍ଠ ନେତା ଗୁରୁଦାସ କାମତଙ୍କ ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୬୩ ବର୍ଷ ବୟସ ହୋଇଥିଲା । ଦିଲ୍ଲୀର ଚାଣକ୍ୟପୁର ସ୍ଥିତ ପ୍ରାଇମସ୍ ହସ୍ପିଟାଲରେ ସେ ତାଙ୍କର ଶେଷ ନିଶ୍ୱାସ ତ୍ୟାଗ କରିଛନ୍ତି ।
ଖବରମୁତାବକ, ଦୀର୍ଘ ଦିନ ହେବ କୌଣସି ରୋଗରେ ପୀଡିତ ଥିଲେ ଶ୍ରୀ କାମତ । ତାଙ୍କୁ ଦିଲ୍ଲୀର ଏକ ହସ୍ପିଟାଲରେ ଚିକିତ୍ସା କରାଯାଉଥିଲା ।
ମନମୋହନ ସିଂ ସରକାର ସମୟରେ କାମତ ୨୦୦୯ ରୁ ୨୦୧୧ ମଧ୍ୟରେ କେନ୍ଦ୍ର ରାଜ୍ୟ ମନ୍ତ୍ରୀ ଥିଲେ । ସେ ଅଲ୍ ଇଣ୍ଡିଆ କଂଗ୍ରେସ କମିଟିର ସଦସ୍ୟ ଏବଂ କଂଗ୍ରେସ ୱାର୍କିଂ କମିଟିର ମଧ୍ୟ ସଦସ୍ୟ ଥିଲେ ।
