ନୂଆଦିଲ୍ଲୀ (ଏଟିଆର ବ୍ୟୁରୋ): ଦେଶରେ ଜାରି ରହିଛି କରୋନା ପ୍ରକୋପ । ଥମିବାର ନାଁ ଧରୁନି । ଆଜି ବି ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇଛି । କେନ୍ଦ୍ରୀୟ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ପକ୍ଷରୁ ଜାରି କରାଯାଇଥିବା ସଂଖ୍ୟା ମୁତାବକ, ଗତ ୨୪ ଘଣ୍ଟା ମଧ୍ୟରେ ୬୫୩୫ ନୂତନ ମାମଲା ସାମ୍ନାକୁ ଆସିଥିବା ବେଳେ ୧୪୬ ଜଣଙ୍କର ମୃତ୍ୟୁ ହୋଇଛି । ଏହାପରେ ଏବେ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୧ ଲକ୍ଷ ୪୫ ହଜାର ୩୮୦ କୁ ବୃଦ୍ଧି ପାଇଛି ।
ଏହି ମୋଟ ୧ ଲକ୍ଷ ୪୫ ହଜାର ୩୮୦ ଆକ୍ର୍ରାନ୍ତଙ୍କ ମଧ୍ୟରୁ ୮୦ ହଜାର ୭୨୨ ସକ୍ରିୟ ମାମଲା ରହିଥିବା ବେଳେ ୬୦ ହଜାର ୪୯୧ ଜଣ ସୁସ୍ଥ ହୋଇ ଘରକୁ ଫେରି ସାରିଛନ୍ତି ଏବଂ ଏପର୍ଯ୍ୟନ୍ତ ୪୧୬୭ ଜଣଙ୍କର ମୃତ୍ୟୁ ହୋଇଛି ।
