ପାଟନା ( ଏଟିଆର ବ୍ୟୁରୋ) ; ବଜରଙ୍ଗ ଦଳ କର୍ମୀଙ୍କୁ ହତ୍ୟା । ଏଭଳି ଏକ ଘଟଣା ଘଟିଛି ବିହାରର ସରଣ ଜିଲ୍ଲାରେ । ମୃତ କର୍ମୀଙ୍କ ନାମ ପିୟୁସ ଆନନ୍ଦ ଏବଂ ସେ ଜଣେ ଲୋକାଲ ବିଜେପି ନେତାଙ୍କ ପୁଅ ବୋଲି ପୋଲିସ କହିଛି ।
ପୋଲିସ କହିବା ଅନୁଯାୟୀ, ପିୟୁସଙ୍କୁ ସରଣ ଜିଲ୍ଲାର ଆଲୋନି ବଜାର ନିକଟସ୍ଥ ଏକ ପେଟ୍ରୋଲ ପମ୍ପ ନିକଟରେ ଅତି ନିକଟରୁ ଗୁଳି କରି ହତ୍ୟା କରାଯାଇଛି । ଘଟଣାଟି ସୋମବାର ମଧ୍ୟ ରାତ୍ରୀରେ ଘଟିଛି ।
ପୋଲିସ ମୃତଦେହକୁ ବ୍ୟବଚ୍ଛେଦ ପାଇଁ ଡାକ୍ତରଖାନା କୁ ପଠାଇ ଥିବାବେଳେ ଘଟଣାର ତଦନ୍ତ ଜାରୀ ରହିଛି । ଏହି ଘଟଣାରେ କୌଣସି ଅଭିଯୁକ୍ତଙ୍କୁ ଗିରଫ କରାଯାଇ ନ ଥିବା ପୋଲିସ କହିଛି । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଲାଗିରହିଛି । ଅତ୍ୟାକାଣ୍ଡ ଘଟାଇଥିବା ଅଭିଯୁକ୍ତ ମାନଙ୍କୁ ତୁରନ୍ତ ଗିରଫ କରିବା ପାଇଁ ସ୍ଥାନିୟ ବଜରଙ୍ଗ ଦଳର କର୍ମୀମାନେ ପୋଲିସ ଷ୍ଟେସନ ସମ୍ମୁଖରେ ଧାରଣାରେ ବସିଛନ୍ତି ।
